ضربة قوية للسوق السوداء قبل نهاية 2023 .. وتوقع صادم لسعر الدولار في 2024
كلنا عارفين ان اللى بيحصل في السوق السودا للدولار في الأيام الأخيرة مش طبيعي وملا مبنى على أي مبررات اقتصادية منطقية وصحيح سعر الدولار تجاوز الـ 50 جنيه لكن ده مش سعر عادل ولا حقيقي ابدا وعشان كده مفيش بيع ولا شراء على السعر ده لأن محدش هيروح يحط فلسه في سلعة مقيمة بأعلى من سعرها الحقيقي بكتير جدا.. وفى الساعات الأخيرة فيه ارتباك واضح بيضرب السوق الموازية وسعر العملة الأمريكية بدأ يتراجع بشكل ملحوظ ومعاه كمان الدهب.. فيا ترى ايه اللى بيحصل في السوق السودا للدولار ؟ وليه رجع ينخفض بعد موجة عنيفة من الارتفاعات ؟ وايه حكاية توقعات وصول الدولار الى 50 جنيه في البنوك قبل نهاية الربع الأول من 2024؟
في الكام ساعة اللى فاتو تراجع دولار السوق السوداء في مصر بشكل ملحوظ، بعد ما شهد السوق ارتباك واضح بعد وصول سعر العملة الأمريكية إلى مستوى قياسي جديد عند 55 دولاريوم الأربع اللى فات .. في نفس الوقت واصل سعر الدهب في السوق المحلية تراجعاته الملحوظة .. وطبعا التراجعاتدي سواء بالنسبة لدولار السوق السوداء أو الدهب جاءت نتيجة عمليات جني الأرباح الضخمة بعد الارتفاعات القياسية اللي شهدها السوقين خلال الأيام اللى فاتت وحقق منها التجار ثروات طائلة..
و الارتفاعات القوية لدولار السوق الموازية والدهب اتأثرت بزيادة الطلب علي العملة الأمريكية والمعدن النفيس بهدف التحوط من ارتفاع التضخم ومن التخفيض المحتمل لقيمة الجنيه .
وزي ما كلنا عارفين مصر بتواجه ضغوط بسبب نقص العملات الأجنبية خلال الفترة الأخيرة بعد ما تخارجت استثمارات أجنبية غير مبااشرة من مصر بقيمة 22 مليار دولار خلال النص الأول من 2022 نتيجة للتأثيرات السلبية للتوترات العالمية الناجمة عن الصراع الروسي الأوكراني.
وسجل سعر الدولار ارتفاع بنسبة 96% رسميًا في البنوك المصرية خلال الـ 21 اللى فات من خلال 3 تخفيضات متتالية لقيمة الجنيه في 2022 و 2023
طب ايه توقعات الدولار الفترة الجاية ؟
فيه تقرير حديث صدر عن وكالة "موديز" للتصنيف الائتماني العالمي كشف أن البنك المركزي من المتوقع يعمل تخفيض كبير في سعر صرف الجنيه خلال الربع الأول 2024 وتوقع استمرار تراجع الجنيه بشكل تدريجي لغاية منتصف السنة الجاية.
وتوقعت الوكالة تراوح سعر صرف الجنيه مقابل الدولار بين 45-50 جنيه خلال 2024 في حال تبنت الحكومة نظام صرف مرن
موديز قالت ان التخفيض الجديد سوف يؤدي إلى استمرار ارتفاع معدلات التضخم وقالت كمان من المتوقع أن وصول معدلات التضخم في 2024 إلى متوسط نسبته حوالي 24% مما يعني عدم قدرة البنك المركزي على تحقيق هدف التضخم المستهدف البالغ 7%، وبتتوقع الوكالة استمرار توقف معدلات الفائدة البنكية عند مستوياتها المرتفعة لفترة طويلة.
ووفقاً لمؤسس شركة القلعة للاستثمارات بتشكل أزمة وجود سعرين لصرف العملة المحلية عقبة قدام بعض المستثمرين في الدخول للاستثمار في مصر.
وزي ما احنا عارفين سعر صرف الدولار الرسمي في البنوك مستقر من شهور عند حوالي 30.90 جنيه للدولار بينما تراجع سعر الدولار بالسوق السوداء خلال الساعات الماضية بعدما وصل مستويات قياسية جديدة وبيتم تداوله النهاردة بالقرب بين مستويات 51 إلى 52 جنيه
وكان أعلى سعر وصل إليه الدولار بالسوق الموازية في مصر هو 55 جنيه وهو المستوى اللي سجله بتعاملات يوم الأربع اللى فات .
وبشكل عام بيتراجع الدولار والعملات الأجنبية في السوق السوداء كل ما كانت فيه أنباء مطمئنة حول وضع الاقتصاد المصري أو صدور توقعات من مؤسسات وبنوك دولية إيجابية بشأن مستقبل الجنيه وبيرتفع العرض ويقل الطلب في الحالة دي.. والعكس صحيح.. بيرتفع سعر الدولار والعملات الأجنبية وبيزداد الطلب كل ما كانت الأنباء سلبية وغير مطمئنة بشأن الاقتصاد ومستقبل الجنيه.
