اكتشاف 65 بير جديد للبترول والغاز في 2023.. مصر هتبقى غول نفطي قريب
في عالم الاقتصاد فيه دول بتكون محظوظة وبتظهر فيها ثروات بتغنيها وتخليها بتعمل اقتصاد غني بأقب مجهود زي دول الخليج واللي بفضل النفط والغاز بقت من أغنى دول العالم وفيه دول تانية بتنحت في الصخر عشان تعمل اقتصاد من الابرة للصاروخ لان معندهاش مصادر طبيعية، زي اليابان كده واللي معندهاش أي موارد طبييعة تقريبا لكن من اقوى بلاد العالم في الاقتصاد دلوقتي وفيه دول عندها الحاجتين دول ثروات وتقدم زي الولايات المتحدة واللي بقت القوة الاقتصادية الأعظم في العالم،.. مصر زي الولايات المتحدة عندها الحاجتين لكن لسه بتصحح أوضاعها الاقتصادية نتيجة إنها بتعيد اكتشاف ثرواتها.. ياترى مصر ممكن في يوم من الأيام تبقي دولة نفطية وصناعية ومتقدمة في نفس الوقت وايه اللي حصل في 2023 وإدى البلد أمل كبير في اكتشاف ثروات ضخمة
النفط والغاز ثروات طبيعية ونتيجة لارتفاع اسعاره عالميا ودخل برميل النفط على 100 دولار وعشان كده الدول اللي بتملكه بتحقق عوائد بالمليارات وتسعد شعوبها لأن العوائد الضخمة للبترول والغاز بتوفر تمويل سخي لكل المشروعات والتنمية في أي بلد ومش بتخليها تقترض وكمان بيكون عندها احتياطي ضخم من النقد الأجنبي وفي نفس الوقت بتعمل صناديق خاصة بتستثمر فيه الاحتياطي ده.
مصر دولة عريقة في مجال النفط والغاز لكن حظها لسه قليل في الاكتشافات بس اللي جاي وحسب التوقعات بيقول إن مصر ممكن تكون دولة نفطية ضخمة ودا لأنها واقعة وسط منطقتين من أغنى مناطق النفط في العالم ليبيا غربا والخليج العربي شرقا وإن مصر وعشان كدة التوقعات بتقول إن مصر مرشحة تكون دولة نفطية وغنية لأن ارضها لسة فيها كنوز ما طلعتش.
وعلى صعيد الاكتشافات في 2023 مصر حققت 65 كشف جديدا للبترول والغاز، خلال 2023، بواقع 51 كشف للبترول، و14 للغاز وده بمناطق بالصحراء الغربية وخليج السويس ودلتا النيل وسيناء، بحسب تقرير وزارة البترول والثروة المعدنية عن حصاد 2023.
وحسب البيان خلال 2023، تم توقيع 29 اتفاقية للبحث عن البترول والغاز بإجمالى استثمارات حدها الأدنى 1.2 مليار دولار و منح توقيع حوالى 61 مليون دولار وحفر 87 بئراً جديداً، وبحسب تقرير الحصاد، وصل إجمالى إنتاج مصر من الثروة البترولية خلال سنة 2023 حوالي 74 مليون طن بواقع حوالى 28 مليون طن زيت خام ومتكثفات، وحوالى 45 مليون طن غاز طبيعى، و مليون طن بوتاجاز إضافة إلى البوتاجاز المنتج من مصافى التكرير.
وكمان ارتفع إنتاج الزيت الخام والمتكثفات بنسبة 2 بالمئة عن العام السابق نتيجة لوضع بعض الآبار الجديدة على الإنتاج زي حقل شمال جيسوم الشمالى GNN بخليج السويس، بحسب البيان.
وفي سنة تم الإعلان عن نتائج المزايدة العالمية للشركة المصرية القابضة للغازات الطبيعية (إيجاس) للبحث عن الغاز الطبيعى في البحر المتوسط ودلتا النيل واللى تم من خلالها إسناد 4 مناطق جديدة للبحث عن الغاز الطبيعى لشركات عالمية باستثمارات حدها الأدنى حوالى 281 مليون دولار وحفر 12 بئر كحد أدنى ومنح توقيع بقيمة 7.5 مليون دولار .
وزارة البترول المصري قالت إنه تم خلال العام الجاري تحقيق الاستقرار الكامل للسوق المحلي وإنه تم تغطية الاحتياجات المحلية للمواطنين وقطاعات الدولة المختلفة من المنتجات البترولية والغاز الطبيعي، وحسب الوزير بلغ إجمالي الاستهلاك المحلي منها حوالى 80.8 مليون طن بزيادة نسبتها 0.3 بالمئة عن العام السابق، وده بواقع 34.5 مليون طن منتجات بترولية واللي انخفض استهلاكها بنسبة تزيد على 2 بالمئة عن العام السابق، بالإضافة إلى 46.4 مليون طن استهلاك محلي من الغاز الطبيعي بزيادة نسبتها 1 بالمئة على العام السابق حيث استحوذ قطاع الكهرباء على أكثر من 56 بالمئة من اجمالى كميات الغاز الطبيعي للاستهلاك المحلي.
لغاية هنا خلص الكلام الرسمي والأرقام وأغلب الاكتشافات مكنتش كبيرة جدا لكن في الوقت نفسه قدرت تعظم الناتج للسوق المحلية واللي بتستهلك كميات ضخمة من البترول والغاز كل سنة ومصر، ودا هيخلي أي اكتشاافات تانة في 2024 تتوجه للتصدير مباشرة ورغم إن مص بتصدر دلوقتي غاز وبترول لكن احنا بنتكلم عن تصدير ضخم ومثستمر ومكثف لتحقيق مليارات الدولارات من ثروة لسه ما ظهرتش كلها وجاي في السنة الجديدة مصر تكتشف أبار بترول ضخمة وحقول غاز تقدر بيها تمول وتصحح مسار الاقتصاد المصري وتقلب حاله 180 درجة.
ليه البترول والغاز هو بوابة الانطاقة المصرية اللي جاية.. عشان زي ما قلنا عوايده كبيرة وفي نفس الوقت هتخفف الضغط على الموازنة وهتخلي الدولة تركز في قطاعات تانية تجيب منها دولارات زي السياحة والزراعة والتصدير وتوسيع قاعدة الصناعة المصرية ودا غير مليارات الدولارات المنتظرة من قطاعات المواني واللوجستيات والاستثمار المباشر وبكده يبقي مصر فعلا مؤهلة تكون اقتصاد قوي في العالم على مدار السنين اللي جاية.
كل اللي بنقوله ده مش أحلام لكن فيه فعلا شركات عالمية بتنقب في مصر من سنين أخدت امتيازات ومناطق جديدة تدور فيها والشركات دي ضخت ملايين الدولارات عشان متأكدة إن المناطق في الصحراء أو الدلتا وفي البحر مبشرة بالغاز والبترول وزي ما ظهر حقل ظهر في البحر المتوسط وفرق كتير مع مصر ممكن يظهر 10 حقول زي ظهر في البحر المتوسط أو الأحمر طول ما البحث والتنقيب شغال.
