كارثة تنتظر الوحش الاخضر .. غلطة امريكية تشيع الدولار لمثواه الأخير

يظهر أن العالم داخل على حرب اقتصادية عالمية والدولار هيكون ضحيتها واللي جاي حياة أو موت بالنسبة العملة الأمريكية اللي على وشك الانهيار عالميا وبعد مافقدت مصداقيتها وأنها بقت سيف مسلط على رقاب الدول.. ايه الجديد واللي حصل في العالم وبيهدد عرش الدولار الأمريكي من عرش العملات وايه هي الضربة الأخيرة للوحش الأخضر الأمريكي
 

 
الدولار بقى عملة مخيفة من ساعة ما تحول من مجرد عملة للتداول والتجارة الي أداة لفرض العقوبات الدولية  على دول العالم وكان آخرها روسيا، ولجوء الولايات المتحدة الأمريكية لمصادرة وتجميد الأصول والحسابات المالية للدول ودا دفع العديد من الدول، خاصة دول مجموعة البريكس، إلى التفكير في الاستغناء عن الدولار في معاملاتها الدولية، واعتبره البعض "التخلي عن الدولار" على مستوى العالم.

معظم الاقتصاديين في العالم اتفقوا إن هيمنة الدولار، على المحك ، ومن بين الخبراء دول الخبير الاقتصادي الشهير، روبرت شيلر، اللي شرح  سيناريو هيعجل من تراجع قوة الدولار عالميًا. ..وقال الراجل إنه إذا الولايات المتحدة غامرت بتحويل الأصول الروسية المجمدة إلى أوكرانيا، فدا هيكون ليه  تأثير كارثي على وضع الدولار الأمريكي كعملة احتياطية في العالم.
وقال الخبير العالمي أنه إذا  أمريكا عملت دا في روسيا النهاردة يبقي بكرة هتعمله مع أي دولة ودا هيدمر   الهالة الأمنية اللي بتحيط بالدولار وهيشكل الخطوة الأولى نحو التخلص من الدولار،  وده فعلا اللي بدأت فيه دول كتير بداية من  الصين إلى البلدان النامية، وطبعا روسيا نفسها.

وعشان نعرف قد ايه الوضع خطير على الدولار الولايات المتحدة والاتحاد الأوروبي وحلفائهم عاوزين يجمدوا  300 مليار دولار من احتياطيات النقد الأجنبي الروسية من السنة اللي فاتت ، كجزء من العقوبات المرتبطة بالحرب في أوكرانيا.. ورغم كده، تم تداول العديد من الأفكار حول الاستخدام المحتمل لهذه الأموال لمساعدة أوكرانيا، خلال 2023.  ودا  تم وصفه بواسطة فايننشال تايمز في وقت سابق من هذا الشهر بأنه "إجراء جذري هيفتح فصل جديد في الحرب المالية التي يخوضها الغرب ضد موسكو.
يعني الخلاصة الدولار بينتهي عالميا لأن مفيش دولة هتستتي إن موقفها يبقي زي روسيا او اي دولة اتجمدت أصولها وبقت مش قادرة تتصرف فيها وغير العامل النفسي الدولار بقي شيء السمعة بسبب استغلاله في قهر الحكومات والشعب وكل اللي جاي اتفاقيات دولية بين الدول للاعتماد على عملات تانية بعيد عن الوحش الاخضر.
".