زمن الذهب.. أفضل وسيلة للاستثمار بعد تثبيت نسبة الفائدة

خلاص بعد قرار تثبيت سعر الفائدة.. في رأي الخبراء أنك لازم تروح تستثمر في الذهب وأنت مطمئن.. لأن دا بقى أفضل وأحسن وسيلة لحفظ قيمة فلوسك.. تعالى نعرف لية الذهب أفضل استثمار الفترة الجاية.

قولنا أن الاستثمار في الشهادات مهم.. ودا علشان العوائد الشهرية وأنه هايحسن دخلك الشهري بنسبة كبيرة.. لكن الفلوس اكتر هاتجيبها من الذهب.. بس لو شغلت دماغك.

خد بالك كدا من الملحوظة دي .. الجنيه الذهب زاد بمقدار ٨ آلاف جنيه خلال ٩٠ يوم بس.. الجنيه الذهب كان من شهور كان بسعر 17000 جنيه.. ودلوقتي الجنيه الذهب بقىى بسعر 25000 جنيه.

وقولنا قبل كدا وبنقول تاني .. المؤشرات والتوقعات والتحليلات بتقول إن أسعار الذهب هاترتفع في الأسواق.. كنتيجة للاضطرابات السياسية والاقتصادية بفعل الأحداث في منطقة الشرق الأوسط.

ولازم تعرف إن الأوقات الللي بيكون فيها اضطرابات سياسية وبتنعكس على الاقتصاد.. فالذهب دايما بيكونو
الوسيلة الأولى للاستثمار اللي بتلجأ ليها الناس وعلشان كدا هاتلاقي الناس في متابعة مستمرة لأسعار الذهب.

لكن لما تبدأ في الاستثمار في الذهب.. ياريت تبعد عن 
عقلية المضاربة أو الرغبة في الحصول على مكسب سريع خاصة وإن الذهب من الاستثمارات اللي بتجيب عوائد بعد فترة طويلة.

ولما تيجي تستثمر في الذهب تروح على أي نوع؟

فورا تروح على السبائك والجنيهات الذهب والمشغولات الذهبية، ومسألة شراء أي منها تأكد أنه هايحققلك عائد وربح، لكن باختلاف فروق المصنعية.

والمصنعية في الجنيه الذهب مثلا أفضل من المشغولات، يعني الجنيه الذهب بيبدأ من ربع جنيه يعني من 2 جرام حتى جنيه ذهب وزنه 8 جرامات، ويكون الجنيه الذهب عيار 21.

وكمان السبائك بتتميز بأوزان مختلفة تناسب كل العملاء، تبدأ من وزن ربع جرام حتى كيلو جرام، لكنها تكون من الذهب عيار ٢٤.

الشهادات ايون ممكن تطرح شهادات مرتفعة العائد بس نصيحة الذهب استثمار افضل الفترة الجاية

قولنالك على نصيحة هاتعرف قيمتها بعدين