بعد التثبيت.. شهادات في مصر هاتخليك غني في لمح البصر

البنك المركزي قرر في اجتماع لجنة السياسات النقدية الخميس الماضي، تثبيت سعر الفائدة ودا بعد نجاح واضح لخطط الحكومة بشأن جذب الاستثمار الأجنبي والعمل على زيادة المحصول الدولاري.. لكن قرار التثبيت مايخلكش تنسى أهم الشهادات اللي لسه بتطرحها البنوك واللي بمعدل فائدة مرتفع.

أهم وأبرز البنوك اللي قولنا عليها قبل كدا وبنقول عليها دلوقتي هي الشهادتين اللي بيقدمها البنك العربي الإفريقي.. واللي بيطرح شهادتين مدفوعة الفائدة مقدمًا بمقدار 27% و40%.

الشهاداتين دول موجودين فى البنك العربى الأفريقى الدولى.. واللي  الحد الأدنى علشان تحصل عليه هو 5000 جنيه ومضاعفات 1000 جنيه بدون حد أقصى.

ودي شهادة مدتها 3 سنوات.. و نسبة الفائدة عليها خيالي واللي يقدر ب 40% من قيمة الشهادة مدفوعة مقدمًا.

يعني ببساطة كدا لو ربط الشهادة بمبلغ مقداره 100 ألف جنيه هتحصل في المقابل على 40 ألف جنيه فائدة تراكمية فورًا .. وبعد مرور 3 سنوات هتاخد الـ100 ألف جنيه مبلغ الشهادة الأصلى.

والشهادة دي دورية الصرف بتاعها بيكون فوري يعني مع بداية ربط الشهادة.

ولو أنت الدولار في إيدك تقدر تروح بيهم على البنك الأهلي أو بنك مصر واللي بيطرحوا شهادة دولارية مدتها 3 سنوات بسعر فائدة 9% .. واللي بيتم صرفه مقدمًا بالمعادل بالجنيه المصرى عن الفترة كلها بواقع 27% من قيمة الشهادة عن إجمالى مدة الشهادة.

وتبلغ فئات الشهادات دي 1000 دولار أمريكى ومضاعفاتها.. وبيتم  احتساب العائد اعتبارًا من يوم العمل التالى ليوم الشراء.. وكمان تقدر تسترد الشهادات بعد مرور 6 أشهر من تاريخ الشراء.

بمعنى أنت لو معاك 12 ألف دولار واشتريت شهادة 9% هتاخد تراكمى 27% بالجنيه المصرى مقدمًا مع شراء الشهادة يعنى 100 ألف جنيه وبعد 3 سنوات هتاخد 12 ألف دولار بالعملة الأمريكية.

السؤال الأهم هل البنوك ممكن تطرح شهادات تانية بعد قرار المركزي تثبيت نسبة الفائدة

الإجابة هي نعم

والحقيقة أن في بنوك كبيرة في مصر بتفكر جديا.. في طرح شهادات مرتفعة العائد واللي  ممكن توصل لاكتر من 25% .

وغالبا المنتجات دي هتكون عبارة عن شهادات ادخار وحسابات توفير.. كمان ممكن يكون في طرح لودايع بفوايد كبير.

ولازم حضرتك ماتنساش إن  البنك الاهلي المصري وبنك مصر الشهادة بيقدمموا شهادات فايدتها 19% سنوياً والعايد بيتصرف شهريا ومدة الشهادة تلت سنين.