بعد الفايدة.. صدمة في السوق السوداء للدولار

ايه اللي بيحصل في السوق السودا للدولار دلوقتي وليه خدت ضربة قوية جدا في ليلة الخميس، وازاي البنك المركزي بيلاعب تجار العملة
 

زي ما كتير أتوقع  ومن بينهم بانكيرلجنة السياسة النقدية للبنك المركزي المصري ثبتت في اجتماعهـا، اليوم الخميس، أسعار الفايدة على الجنيه بمعدلاتها الحالية عند مستوي 19.25%، 20.25% و19.75% على الترتيب. كما تم الإبقاء على سعر الائتمان والخصم عند مستوي 19.75%.

طبعا قرار المركزي نزل زي الصاعقة على تجار العملة ودا لأنه أي اخبار حلوة أو إيجابية عن الاستقرار في الاقتصاد بتعتبر مصيبة في السوق السودا للدولار لأنها بتأكد إنه مفيش أزمة ولا فيه تحركات خطيرة في الاقتصاد وإن مفيش أي داعي للذعر بين الناس ولا التجار وبتقول كمان إن الاقتصاد المصري قوي جدا، وصامد وقادر يمتص أي أزمات في الطريق.

المشكلة في قرار المركزي إنه قال كل حاجة عن وضع الاقتصاد المصري وبالارقام ومخباش حاجة خالص عشان الناس تعرف البلد رايحة على فين وإن كل اللي بيتقال وبيروجه تجار العملة أو الدهب أو منصات الاخوان وغيرهم ملهوش أساس من الصحة بالعكس الوضع حسب الأرقام مستقر جد وكمان بيقول إن 2024 هي بداية انطلاقة جديدة جدا في مصر.

متوقع طبعا الأيام الجاية أسعار الدولار في السوق السودا هتنهار بعد قرار المركزي النهاردة وكمان بعد تصريحات الدكتور مصطفي مدبولي رئيس الوزاؤ الأخيرة بخصوص إن فيه اتفاق شامل وجديد مع صندوق النقد الدولي واللي أكد حسب كلام مدبولي دعمه للاقتصاد المصري بقوة يعني فيه تمويلات خارجية كبيرة جاية.. وشفنا إزاي كان تجار العملة بيلعبوا بورقة فشل القرض المصري وإن الصندوق هيجمد كل حاجة وإن ازمة الدولار هتولع في مصر لكن دي لعبة كبيرة بيديرها المركزي مع تجار العملة واللي قريب جدا هيتفاجأو بقرارت مش متوقعة بخصوص الدولار واسعاره وساعتها مش هيلحقوا يندموا.