إزاي تستخدم الإنترنت البنكي وإيه هي ميزاته.. بانكير هيشرحلك

إيه هو الإنترنت البنكي وإزاي تقدر تنفذ معظم معاملاتك اليومية في أي وقت من اليوم وفي أي مكان في العالم، وإذا تدخل على حساباتك البنكية بأمان وتنجز كل الخدمات البنكية الخاصة بيك، بانكير هيشرحلك كل حاجة في الفيديو دا
 

معظم البنوك عاملة خدمات بنكية عن طريق الإنترنت، والحقيقة الخدمات البنكية دي بيكون ليها مزايا كتير أولها واهمهما إن تقدر تخلص أي معاملة بنكية عن طريق الموبايل والإنترنت، ومن مزايا خدمة الإنترنت البنكي إن جميع حساباتك بتكون في مكان واحد وتقدر تشوف كل أرصدتك وحساباتك ومعاملاتك على الحسابات وبطاقات ائتمانك، بشكل تفصيلي بالإضافة إلى مراجعة ملخصات حسابات الوديعة لو عامل وديعة ودا كله من تليفونك من غير ما تروح أي فرع من البنوك.

وكمان ميزة الإنترنت البنكي إنك تقدر تدير حساباتك بطريقة سهلة،
وتقدر كمان تحدث بياناتك الشخصية أو إصدار أوامر دفع مستديمة أو تخصيص الإشعارات عبر الرسائل النصية القصيرة أو التقدم بطلب خدمات جديدة أو إرسال رسائل آمنة إلى فريق العمل الخاص بالبنك.

وكمان تقدر عن طريق الانترنت البنكي إنك تنقل فلوسك بسهولة سواء عن طريق تحويل الفلوس بين حساباتك أو إلى حسابات تانية  أو محافظ التليفون المحمول في مصر أو ‏‎‏‎‎‏‎‏دفع الفواتير‏‎‏‎‎‏‎‏، وأهم عنصر في معاملات الإنترنت البنكي إنك بتعمل كل حاجة عليه بأمان تام.

طيب إزاي تدخل على الانترنت البنكي.. الموضوع سهل خالص 
أول حاجة هتدخل على أبلكيشن الإنترنت البنكي الخاص بيك لأن كل بنك بيكون ليه ابلكيشن، وبعدها اختيار بيانات تسجيل الدخول الخاصة بيك عند التسجيل إلى الخدمات المصرفية الإلكترونية، وفي كل مرة تسجل فيها الدخول، هيجيلك سؤال عن اسم المستخدم، والرد على أحد أسئلة التذكر وهيتم إنشاء رمز أداة الأمن والحماية Secure Key  هيكون خاص بيك.  وبعدها هتدخل للخدمة من خلال اسم مستخدم وكلمة سر، وعند تسجيل الدخول باستخدام كلمات السر، تقدر تنفذ أي معاملات بنكية بسهولة.
لكن فيه حاجة مهمة اوي لازم تعرفها وهي إنك تخلي بالك إنك تطلع من الإنترنت البنكي عشان لو تليفونك ضاع محدش يستغله ويحول فلوسك.