عوائد وتأمين طبي وكشف مجاني على حساب توفير في cib
في حساب توفير أعلن عنه بنك cib مايتعوضش حرفيا.. هاتزود من خلاله مدخراتك.. وهاتاخد تأمين صحي.. وهاتكشف في أفضل المستشفيات.. اية موضوع أفضل حساب توفير في مصر من البنك التجاري الدولي.. يلا بينا نشوف.
حساب التوفير فلوس بتحطها في البنك وعليها عوائد كل شهر كل أسبوع وحتى كل يوم حسب اختيارك.
والبنوك في مصر حرفيا في منافسة شرسة علشان تقدم منتجات بنكية قوية ومنهم حسابات التوفير.. والنهاردة هانقولك على حساب توفير ممتاز واللي بيقدمه البنك التجار الدولي.
اسم الحساب هو WellSavers.. واللي تقدر تعمله بحد أدنى هو ألف جنيه فقط لا غير.. وفي المقابل هاتزود مدخراتك وأنت مطمئن.. وليك الحق في دوريات صرف عائد متنوعة بالعملة المحلية.. وكمان تأمين طبي محلي مخصص.
وبالنسبة لمسألة بطاقة التأمين الطبي الخاصة بيك ف هي عبارة عن تذكرتك لدخول عالم الخدمات الاستثنائية واللي هاتستخدمها علشان تستفاد من الخدمات الطبية المحلية المقدمة من خلال شبكة المستشفيات التابعة لشركة AXA لتأمينات الحياة وعيادات OneHealth.
والتأمين الطبي اللي هاتاخده دا بيقدملك الاستفادة من
الخدمات الطبية المحلية ودا من خلال شبكة واسعة من المستشفيات والعيادات.. وكمان بيسمحلك الإقامة في المستشفيات وخدمة الطوارئ داخل مصر.. وتتعالج في عيادات OneHealth المشهورة.
وحساب التوفير WellSavers الجديد.. مقدم إليك بالجنيه المصري وتم تصميمه خصيصًا لعملاء CIB Wealth بشكل حصري.
ومن خلال الحساب دا برضوا هاتستفاد من بطاقة الخصم المباشر البلاتينية لما تيجي تفتح حسابك و اللي بتقدم خصومات حصرية في الشراء أونلاين أو من المتاجر.
وبالنسبة للرسوم للإشتراك الشهريةفهي 250 جنيه.. وكشف حساب الإلكتروني ب 7.5 جنيه.. و كشف حساب ورقي– ربع سنوي ب 60 جنيه.. وكشف حساب ورقي– شهري ب 180 جنيه. وكشف حساب ورقي– أسبوعي لو عايز العائد اسبوعي يعني ب 780 جنيه.. ولو هاتخد العائد يومي ف هيكون كشف الحساب الورقي ب 1,250 جنيه.
