4 اعرف المصريين صرفوا كام على الأدوية في آخر سنة
يا ترى المصريين صرفوا كام مليار على الأدوية فى آخر سنة؟ وايه أكتر علاج أو دوا المصريين اشتروه من الصيدليات؟ ومين عليه اقبال أكتر العلاج المحلي ولا المستورد؟ وايه اللى بتقولوا الأرقام اللى تم الاعلان عنها بخصوص استهلاك الدواء فى مصر؟ وهل فيه جهات حكومية بتحلل الأرقام اللى بتطلع وتستفيد منها ولا بنشتغل فى جزر منعزلة ومحدش واخد باله من اللى بيحصل؟
من أيام قليلة مؤسسة "آي كيوفيا" المعنية برصد مبيعات سوق الدواء المصرية أصدرت تقرير مهم ليها بيرصد احصائيات خاصة بسوق الدواء خلال الفترة من سبتمبر 2022 إلى سبتمبر 2023 .. والحقيقة التقرير تضمن ارقام مهمة وخطيرة فى نفس الوقت وبتكشف سلوك كتير من المصريين واتجاهاتهم فى التعامل مع الدواء.
يعنى كفاية تعرف مثلا ان المصريين أنفقوا حوالى نص مليار جنيه على دواء ايريك وده منشط جنسي معروف زمتداول بكثرة فى الصيدليات وغالبا بيتم بيعه بدون روشتة من الطبيب
وفقًا للبيانات اللى تم اللاعلان عنها مؤخرا بلغ استهلاك المصريين من المنشط الجنسي الأعلى مبيعًا في مصر حوالى 6.9 مليون وحدة خلال الفترة من سبتمبر 2022 الى سبتمبر 2023.
وعلى الرغم من الاستهلاك الضخم للمستحضر في السوق المصرية كشفت البيانات عن تراجع عدد الوحدات المباعة منه بنسبة تتجاوز 23% خلال الفترة المذكورة بجانب تراجع قيمة مبيعاته 4.3% وده بسبب ارتفاع سعره خلال الشهور الأخيرة بنسبة 25%.
وقدّر رئيس لجنة التصنيع الدوائي بنقابة صيادلة القاهرة، محفوظ رمزي مبيعات الأدوية المعالجة للضعف الجنسي في مصر بحوالى4 مليارات جنيه على الأقل وقال ان حجم استهلاكها مرتفع فى كل دول العالم مش فى مصر بس.
وأكد ان نص المستهلكين للمنشطات في مصر ليسوا في حاجة إليها خصوصا الشباب الصغير اللى بيتمتع بصحة جيدة".
واجمالا بلغت مشتريات المصريين من الأدوية المباعة عبر الصيدليات 142.7 مليار جنيه فى آخر سنة بزيادة تتجاوز 18%.. وكشفت البيانات عن تراجع الوحدات المباعة من الأدوية في مصر خلال الفترة المذكورة بنسبة تلامس 8% لتسجل نحو 3 مليار عبوة دوائية.
طبعا النمو الملحوظ في قيمة مبيعات الدواء في مصر سببها استجابة الحكومة لطلبات شركات الدواء المحلية والأجنبية العاملة في الدولة بتحريك أسعار بعض الأصناف الدوائية "المسعّرة جبرياً"، واللي تأثرت تكلفة إنتاجها بتغيّر سعر الجنيه مقابل الدولار.
ومن بين أكبر 10 شركات في السوق من حيث المبيعات تراجع عدد الوحدات الدوائية المباعة لـ 8 شركات بمعدلات تتراوح بين 3 و14%، فيما حققت شركتين فقط معدلات نمو إيجابية.
الشركات العشر الأعلى مبيعاً للأدوية في مصر هي (آمون فارما، وإيبيكو، وإيفا فارما، وسانوفي، وإيبكس فارما، وماركيرل، وAUG فارما، ونوفارتس مصر، والمهن الطبية، ونوفارتس فارما).
