أخيرا فيتش رفعت التصنيف.. ايه حكاية الـ21 مليار دولار اللي جايين
ياترى وكالة فيتش للتصنيف الائتماني الدولية عملت ايه في الساعات الأخيرة وقالت ايه عن الاقتصاد المصري وليه رفعت تصنيف شركة مصرية لأكبر درجة إيجابية وهل دا بداية النهاية لسلسلة التقارير السلبية عن الاقتصاد المصري وايه اللي هيحصل في التقرير الجاي وايه حكاية المليارات اللي جاية مصر قريب
طبعا كلنا عارفين إن وكالات التصنيف الدولية طلعت تقرير سلبية عن الاقتصاد المصري في آخر مرة ورغم إن التقارير دي كانت مسيسة في أغلبها لأنها مش بتتوافق والمؤشرات الاقتصادية في مصر اللي محصلش فيها أي تطور كارثي زي العجز مثلا عن سداد الديون أو خروج التضخم عن السيطرة وكانت الحقيقة تقارير مجحفة جدا وقفت حال الاستثمار المباشر.. لكن خلونا في الجديد واللي بيقول إن وكالات التصنيف الدولية دي بتتجه لتغير نظرتها للاقتصاد المصري بعد الضوء الأخضر الأوروبي والأمريكي لصندوق النقد بدعم مصر وشفنا ازاي الصندوق غير نبرته من تحذير وتعنت لتعاون ودعم كبير هيتم الاعلان عنه قريب جدا ودا هيفتح الباب قدام وكالات التصنيف الائتماني العالمية عشان تغير درجة تصنيفها للاقتصاد الوطني بإيجابية اكتر ودا طبعا هيفتح المجال قدام عودة الاستثمار بقوة واللي رئيس جهاز التمثيل التجاري طلع وأكد إن فيه اكتر من 21 مليار دولار استثمارات هتدخل مصر الفترة الجاية.
في الساعات الأخيرة بدأت مؤسسة فيتش العالمية تغير رأيها وبدأت برفع تصنيف شركة مصر للتأمين من “egy” AA+ إلى “egy”AAA مع نظرة مستقبلية مستقرة، ودا أعلى فئة تصنيف تمنحه شركة فيتش العالمية لمؤسسة مصرية نظرًا لقوة مركزها المالى ومكانتها المتميزة بالسوق كأكبر شركة تأمين مصرية، وذلك بعد المراجعة.
وأكد عمر جودة، عضو مجلس الإدارة المنتدب والرئيس التنفيذي، على أن رفع مؤسسة فيتش لتصنيف الشركة للتصنيف الأعلى بعد المراجعة ليصبح “egy “AAA مع نظرة مستقبلية مستقرة بمثابة شهادة تفوق وريادة تمنح لشركة مصر للتأمين، على الرغم من الصعوبات والتحديات التى تمر بها الصناعة ليس محليا فحسب وإنما عالميا.
واعتبر كمان إن دا بيعد نتاجا لما تؤمن به شركة مصر للتأمين وما يعد عقيدة راسخة لدى إدارتها أن الفرصة تخلق من رحم الأزمة، مشيرا إلى أن شركته برعت على مدار تاريخها الذي شارف على التسعين عاما في استثمار التحديات والصعوبات، وتحويلها لنقاط من القوة وفرص للتميز والتفوق.
وأكد إن رفع التصنيف الائتماني للشركة جاء تأكيدا على أنها رائدة في مجال التأمين ولها تعاملات على نطاق واسع على المستوى الإقليمي، وتتمتع بالعديد من الميزات التنافسية القوية التى أهلتها لنيل التصنيف العالمي، وأنها تتميز بهيكل رأس مال قوى للغاية وفقا لنموذج رأس المال الخاص بمؤسسة التصنيف العالمية، كما تتميز الشركة بأداء مالى قوى.
تصنيف فيتش الأخير للشركة المصرية العملاقة الخبراء شايفين إنه خطوة أولي لتعديل نظرة وكالات التصنيف الدولية للاقتصاد المصري واللي ظلمته التصنيفات الأخيرة ودي بداية الانفراجة في الملف الاقتصادي المصري كله واللي داخل على مرحلة مفصلية بعد انتهاء انتخابات الرئاسة امبارح.
