هو فيه تعويم فعلا بعد انتخابات الرئاسة؟... هنقولك اللي بيحصل في الكواليس

 
هو فعلا فيه تعويم جديد للجنيه بعد نهاية انتخابات الرئاسة زي ما بتقول معظم مؤسسات التمويل الدولية؟ ولا مفيش زي ما بتقول تسريبات طالعة من داخل الحكومة؟ ولو فيه تعويم سعر الدولار ممكن يوصل لكام ؟ وهل تخفيض قيمة العملة المصرية ممكن يقضي على السوق السودا للدولار ولا هتفضل برضوا مستمرة ؟ طب لو مفيش تعويم مصر هتسد الفجوة التمويلية في موازنتها العامة منين؟ وايه الشركات اللى ممكن تبيعها عشان تخلص من الكابوس اللى بنعيش فيه من نهاية الربع الأول من 2022 تحديدا من بعد اندلاع الحرب الروسية الأوكرانية على طول؟ 
 

 
في وقت بيتدافع فيه ملايين المصريين للادلاء بأصواتهم في الانتخابات الرئاسية شبه المحسومة للرئيس عبدالفتاح السيسي بيترقب المستثمرين ورجال المال والأعمال ايه اللى ممكن يحصل بعد نهاية الانتخابات وإعلان فوز الرئيس السيسي بولاية جديدة وسط توقعات قوية ومتزايدة في الأيام الأخيرة بإمكانية اجراء تخفيض جديد في قيمة الجنيه هتكون الرابعة في اقل من سنتين

بالفعل لما سيأتي بعد ذلك. إذ من المتوقع على نطاق واسع أن يفوز الرئيس عبد الفتاح السيسي مرة أخرى في الانتخابات، فيما يتوقع العديد من الخبراء أن يتم تخفيض قيمة العملة قريبًا، 
ووفقًا لتقرير حديث صدر من ساعات قليلة لوكالة بلومبرج بتشير سندات مصر الخارجية إلى ضائقة خلال 2023 .. ومن المحتمل تكون فيه حاجة ماسة لمزيد من التخفيضات في قيمة الجنيه لجذب الاستثمارات الأجنبية والحصول على تمويلات جديدة أو إضافية من مؤسسات تمويل دولية زي صندوق النقد والبنك الدولي وغيرهم من المؤسسات.

وحاليا بيدرس صندوق النقد الدولي رفع برنامج التمويل اللى اتفق عليه مع مصر في ديسمبر السنة اللى فاتت من 3 الى 6 مليار وفقا لبعض التسريبات الخارجة من مسئولي الصندوق وده ادراك أهمية مصر في ملف غزة والصراع الإسرائيلي الفلسطيني
ووفقا لتقرير بلومبرج مصر ممكن تحصل على دعم مالي إضافي من حلفائها في مجلس التعاون الخليجي وكمان من الدول الغربية مع تحول البلاد إلى نقطة توزيع للمساعدات المتجهة إلى قطاع غزة المحاصر، وده في ظل التصاعد الحالي للحرب الإسرائيلية على قطاع غزة.
وطبعا يعتبر تخفيف القيود المفروضة على سوق الصرف الأجنبي أو تحريرها بشكل كامل هو الشرط الأساسي والأكثر أهمية لإطلاق جزء من التمويلات دي. 
طب ايه اللى بيحصل ده معناه ايه ؟ 
بص احنا كده قدام واحد من سيناريوهين اما ان مصر بتجمع سيولة دولارية تقدر تغطيها لو اضطرت لتخفيض قيمة الجنيه والسوق السودا ما تخرجش عن السيطرة واما ان الحكومة بتحاول توفر سيولة دولاري كبيرة تخلي البنوك توفر الدولار لأى حد محتاجه وبالتالي السوق السودا هتنهار ومش هيكون فيه مبرر لوجودها أصلا 
ايوه برضوا يعنى كدا فيه تعويم ولا لأ ؟ 
بص كل الخيارات فتوحة ومحدش يقدر يجزملك بحاجة دلوقتى لأن فيه متغيرات كتيرة ممكن تخلى مصر تغير وجهة نظرها وبالتالي قرارها في اى وقت خصوصا ان اللى بيحصل على حدود مصر وتطورات الاضاع في غزة مش هتخلي أي حد يعرف يبنى حساباته على حاجة معينة. 
طب لو مفيش تعويم مصر ممكن تحلى أزمة نقص العملة ازاى ؟
فيه برنامج كبير وطموح الدولة شغالة عليه لحل ازمة الدولار بعيدا عن الاستدانة أو تعويم الجنيه والملف ده هو برنامج الطروحات الحكومية اللى مصر من خلاله هتبيع عدد من الشركات المملوكة للدولة لصناديق استثمار عربية وأجنبية بالإضافة كمان لتعظيم مصادر الدخل الدولاري التقليدية زي الصادرات والسياحة ورسوم قناة السويس وكمان تحويلات المصريين في الخارج وملف تحويلات المصريين تحديدا هيكون فيه مفاجآت وقرارات جريئة الفترة الجاية