10 مليار دولار فى الطريق لمصر.. يا ترى هييجوا منين

مصر بتعاني من أزمة طاحنة فى العملة الأجنبية.. أزمة خلت فيه ضغط كبيرجدا على الجنيه المصري وخلت سعر العملة المصرية يتراجع أمكت من النص تقريبا من مارس 2022 ولحد دلوقتى ومتوقع كمان تخفيض جديد فى قيمة الجنيه بعد الانتخابات الرئاسية.. وعشان كده الحكومة بتسابق الزمن وبتحاول تشوف مصادر للنقد الجنبي تساعد فى توفير الدولار والقضاء على السوق السودا وفعلا نجحت فى كده السنة اللى فاتت من خلال تصديركميات كبيرة من الغاز الطبيعي لكن للأسف التصدير ده تراجع فى 2023 لأسباب كتير يطول شرحها لكن الخبر الكويس ان مصرخلاص هترجع تستأنف تصدير غازها للخارج وفيه توقعات ان مصر تحقق خلال 2024 صادرات بحوالى 10 مليار دولار.. فيا ترى ده هيحصل ازاي ؟ وايه خطة وزارة البترول لتحقيق الرقم المستهدف؟ والكميات دي كلها هنصدرها لأي دول؟ 
 

وزارة البترول والثروة المعدنية بتجهز حاليا شحنتين غاز طبيعي مسال لتصدير هم إلى أوروبا خلال الاسبوع الجاي فى انفراجة جديدة لأزمة توقف صادرات الغاز..
ووفقا للمعلومات المتاحة فالشحنتين اللى هيتم تصديرهم هيغادروا محطات الإسالة في إدكو ودمياط منتصف ديسمبر الجاري ضمن 5 شحنات بتخطط وزارة البترول لتصديرها قبل نهاية 2023 .. وهتتراوح الكميات فى الشحنتين ما  بين 240 و250 مليون متر مكعب غاز مسال تم توفيرها عبر الإنتاج المحلي وجزء من الواردات القادمة من الخارج.
وبتتوقع الحكومة  تصدير شحنات من الغاز الطبيعي المسال بكميات تصل إلى مليون طن قبل نهاية العام الجاري2023 والكمية دي متوقع تتضاعف 10 مرات فى السنة الجديدة.

وخلال العام الماضي بلغت إيرادات مصر من صادرات الغاز الطبيعي المسال نحو 8.4 مليار دولار، مقابل 3.5 مليار دولار، في عام 2021، بزيادة بلغت 140 .. ومن المتوقع وصول صادرات الغاز الى 10 مليار دولار وممكن أزيد شوية كمان فى 2024 % 
وكشفت الاحصائيات الرسمية تراجع شحنات الغاز المسال المصدرة من مصر خلال العام المالي 2023-2024 إلى 3 شحنات بس حتى الآن مقارنة بـ 39 شحنة تم تصديرها عبر مصنع إسالة إدكو و 41 شحنة مصدرة عبر مصنع إسالة دمياط خلال العام المالي الماضي 2022-2023.
وسبب التراجع كان بسبب نقص إنتاج مصر من الغاز لما يتراوح بين 5.9 و6.1 مليار قدم مكعبة يوميا مع ارتفاع الاستهلاك المحلي إلى نحو 7 مليارات قدم مكعبة يوميًا في الصيف وكمان التراجع في حجم واردات الغاز من الخارج في بعض الأوقات من العام زي ما حصل  فى بداية الحرب في غزة بين إسرائيل وحماس.
ويمكن لمحطات الغاز الطبيعي المسال المصرية على ساحل البحر المتوسط تصدير  12 مليون طن متري سنويا، وده  رقم بتهدف الحكومة  للوصول ليه في 2025.. مع توفير مليار قدم مكعبة من الغاز الطبيعي المسال يوميًا للتصدير بداية من يناير 2024.
وأدى النمو السريع في إنتاج الغاز الطبيعي في مصر إلى تحولها من مستورد للغاز إلى مصدر له في أواخر 2018 بعد اكتشاف أكبر حقل في البحر المتوسط واستمرار جهود الاستكشافات الجديدة والمتوقع يحصل فيها طفرة كبيرة الشهور الجاية. 
ووصلت صادرات مصر من الغاز الطبيعي إلى مستوى قياسي بلغ 8 ملايين طن في 2022.
ومن المتوقع أن تصل الصادرات هذا العام إلى 7.5 مليون طن، معظمها سيذهب إلى أوروبا وتركيا فيما سيصدر الجزء المتبقي إلى آسيا.