لو عايز فلوسك مايكلهاش التضخم..يبقى لازم تسمع الكلمتين دول

مافيش حد في مصر فلوسه ماتأثرتش بمسألة انخفاض قيمة الجنيه.. ودا بعد قرارات متتالية لرفع نسبة الفايدة.. طيب اية رائيك لو عرفت طريقة من خلالها تحمي فلوسك من التضخم

بص يا فندم عايز تحافظ على فلوسك من التضخم يبقى مش قدامك غير حل واحد مافيش غيره.. وهو الاستثمار..  وكل واحد لازم يحسب حساباته كويس جدا بناء على مستوى دخله ومصروفاته.

السؤال هنا.. اشتري استمارة نوعها اية علشان احمي نفسي من الانخفاضات المتتالية لقيمة الجنيه؟

بص يا فندم.. لو عايز دخل شهرى ثابت يبقى شهادة الادخار البنكية - الشهادة الأولى ثابتة العائد لمدة 3 سنوات بسعر 19% سنوى ويصرف العائد شهريًا.

يعني  لو اشتريت شهادة  ب 100 ألف جنيه .. يبقى إجمالى العائد فى 3 سنوات 57 ألف جنيه.

وفي شهادة تانية متناقصة لمدة 3 سنوات بسعر سنوى 22% لأول سنة و 18% السنة الثانية و 16 % السنة الثالثة ويصرف العائد شهريًا.

يعني لو اشتريت شهادة  ب 100 ألف جنيه.. يبقى إجمالى العائد فى 3 سنوات 56 ألف جنيه.

الخلاصة أنك لو هتشترى شهادة 19% المكسب 57 ألف جنيه ولو شهادة 22% يبقى 56 ألف جنيه فى 3 سنوات  

نيجي لللاستثمار فى الذهب، وطالما قولنا ذهب يبقى يفضل الاحتفاظ بيه لفترة أطول من سنة والأنسب انك تشترى الجنيه الذهب علشان سهل تبيعه وسعره دلوقتى 22 ألف جنيه، وممكن تشترى السبائك خفيفة الوزن 5 و10 و20 جرام.

طيب لو بتفضل الدولار.. على طول لازم تروح تشتري  من شهادات الاستثمار الدولارية اللي بتطرحها  البنوك المصرية.. واللي هي بمتوسط فائدة 7% سنويًا يعنى على كل 10000 دولار استثمار هتاخد 700 دولار فى السنة لمدة 3 سنوات

إنما لو فكرت في مدة استثمار أطول من 3 سنين يبقى العقارات الحل الأمثل لأن متوسط نسبة الزيادة السنوية فى العقارات لا تقل عن 15%، بس خلى بالك من صعوبة بيع بعض العقارات علشان توفر السيولة.

الأهم من كل دا أنك ترتب الأولويات وتستغنى عن السلع غير الضرورية وده وقت مهم جدًا لتقليل الاستهلاك من أى منتجات غير مفيدة.