استثمار أحسن من الدهب والعقار والشهادات.. هتعمل ثروة وتحافظ على أصل فلوسك ومكسب يومي

 
 
ياترى ايه هو الاستثمار اللي احسن من الدهب والعقارات وازاي تقدر تشغل وتكبر فلوسك وبارباح يومية كمان ومش هتستني الأسعار ترفع ولا الأسواق تتغير.. خليك معانا لآخر الفيديو وانت هتعرف كل حاجة
 

 
في الزمن دا ما ينفعش تحط فلوسك تحت البلاطة لأن  سعر العملة مابقاش مضمون خاصة لما يكون عندنا دولار متوحش في السزق بياكل من قيمة الجنيه... والافضل وزي ما بيقول العقل انك تطلع فلوسك الزيادة وتشغلها أو تستثمرها وخلي بالك فيه فرق كبير من الكلمتين وهو بين تشغيل الفلوس وبين استثمار الفلوس وهنقولك ليه خلال الفيديو..

في العادة خبراء الاقتصاد بينصحو الناس في الأزمات باستثمار فلوسهم الزيادة في 3 مصادر تقليدية وهي بالترتيب الدهب والعقارات وشهادات الادخار اللي بتصدرها البنوك.. ولكل واحدة في دول ميزة وعيب في نفس الوقت يعني مثلا الاستثمار في الدهب وتحديدا السبايك هو أفضل أنواع الاستثمار لأنه سهل تشتريه وسهل جدا تبيعه ومش بياخد وقت ومجهود ولا حجم حتى وبتشتري السبايك وقت انخفاض الاسعار وبترجع تبيعها بما سعره يرفع لكن عيبه أنه إستثمار متوسط وطويل الأجل يعني ما ينفعش تشتري دهب نهاردة وتبيعه بكرة لازم على الأقل يكون متوسط من سنتين الي 5 سنين وكل ما يقعد طبعا سعر الدهب بيزيد..

وبخصوص العقارات فهو استثمار مرهق شوية يعني بتروح تشوف البيت أو العقار اللي هتشتريه أو الشقة ومحامي وبيع وشراء وعقود وشهر عقاري وبعدين تستني على الأقل 5 سنين عشان تبيع وتكسب مبلغ كويس ودا عيبه وكمان ليه عيب تاني إن العقار بيرفع في فترات معينة على عكس الدهب.. تالت حاجة في الاستثمار هي الشهادات البنكية وحلاوتها انك بتشتري الشهادة وبتاخد فائدتها وفلوسك محفوظة لكن فيها عيب وهي انك بتكسب فعلا لكن مع المدة ممكن قيمة العملة تقل وبالتالي قيمة فوايدك هتقل لكن ميزيتها أنها استثمار مضمون ومحفوظ ومش مرهق خالص.

نرجع بقي لاستثمار تاني احسن من اللي قلناه تاني خالص وهو تشغيل الفلوس مش استثمارها ودي النقطة اللي قلنا لحضراتكم هنرجعلها وميزة تشغيل الفلوس أنك ممكن تحصل على عائد يومي لو شغلت فلوسك في مشروع مهما كان صغير وتسعة أعشار الرزق في التجارة يعني لو فتحت اي مشروع تجاري أو خدمي أو من اي نوع هتكسب يومي أو شهري وعلى طول العمر وفي نفس الوقت اصل فلوسك أو راس مالك بيزيد مع التوسع في المشروع ولو. انت معاك فلوس ومش عندك خبرة أو وقت تقدر تشارك حد يكون فاضي وبيفهم وساعتها هتكون رجل أعمال حر حتي لو البداية كانت متوقعة والتجارة عاوزة مخاطرة محسوبة عشان تنجح فيها وتعمل ثروة.