عملة قديمة قيمتها 20 مليون دولار.. والتفاصيل في الفيديو دا
كنا بنكلمك عن عملة بـ 10 آلاف جنيه وعملة بـ 50 ألف جنيه.. وطبعًا لو حد لقاهم ممكن يعمل فرح.. طيب تعرف بقى أن في عملة بـ 20 مليون .. مش مليون جنيه.. لااااااا .. دا مليون دولار.. طب ما تيجي نعرف أية الحكاية.
في عملة قديمة بيرجع تاريخها لسنة 1933.. اسمها النسر المزدوج.. العملة دي بتوزن 28 جرام تقريبًا.. وكان قيمتها حوالي 20 دولار بس.
والعملة دي كان عليها صورة امرأة بترمز للحرية على الوجه الأول، ونسر أمريكي على الوجه الآخر، وكانت العملات في الولايات المتحدة الأمريكية في الوقت دا من التلاتينات، بتخضع لقانون اسمه المعيار الذهبي، واللي معناه أن يكون في معيار ذهبي في خزينة الدولة لكل عملة يتم سكها.. يعني لازم يكون في خزينة الدولة احتياطي من الذهب قبل سك أي عملة جديدة.
لكن بسبب الكساد الكبير عام 1933، الشعب الأمريكي لجأ ل تخزين الذهب، وبعدين أصدر الرئيس الأمريكي، فرانكلين روزفلت، أمر تنفيذي بحظر تخزين العملات الذهبية وسبائك الذهب داخل الولايات المتحدة، وطالب المواطنين ب تقديم اللي بحوزتهم من دهب ومن ضمنه عملة «النسر المزدوج».
بعد فترة .. جه الكونجرس وأقر قانون احتياطي الذهب، واللي كان منوط بيه صهر جميع القطع النقدية من عملة النسر المزدوج باستثناء اتنين يتحطوا ك مقتنيات، لكن بالرغم من القانون دا اختفت 20 قطعة من نوعية العملات المعدنية دي وتم بيعها لهواة جمع العملات.
ومن سنة 1944، فضل جهاز المخابرات الأمريكية يتعقب العملات دي .. وبالفعل تمكن من استعادة 7 منها، وتبين أنها سرقت من طرف أمين صندوق مصلحة سك العملات الأمريكية، واللي قام ببيعها بعد كدا عن طريق تاجر الذهب، إسرائيل سويت، وقد تم صهر تلك العملات.
لكن احنا هنا بنقول إن المخابرات الأمريكية قدرت تلاقي ٧ بس من أصل ٢٠.. امال الباقي راحوا فين
بص بقى.. بعد الإطاحة بالملك فاروق عام 1952، تم طرح العديد من مقتنياته للبيع بالمزاد العلني، وفي الوقت دا.. طالبت الولايات المتحدة، الحكومة المصرية، بسحب عملة النسر المزدوج من المزاد، اللي لقوها في مقتنياته، لكن برضوا العملة اختفت لعقود.
وسنةة1995، ظهرت عملة النسر المزدوج مرة تانية، لما كان تاجر مجوهرات مصري يبيع قطع أخرى لمدير أحد المزادات في العاصمة البريطانية لندن، واللي قام بشرائها وقتها مقابل 325 ألف دولار، لكن للأسف ماقدرش يبيعها بسبب أن الاستخبارات الأمريكية العملة صادراتها في سرية تامة.
وبعد صراع وخناق في المحاكم بين الراجل اللي اشترى العمل دي .. القضاء الأمريكي حسم الأمر وأعلن سماحه بأن تكون العملة مملوكة ملكية خاصة.
المهم أن العملة دي لفت من أيد ل أيد لحد ما تم بيعها مقابل 7.6 مليون دولار.
ويوم الثلاثاء الماضي، حقق «النسر المزدوج» أكثر قيمة بيع لعملة معدنية على الإطلاق في مزاد دار «سوثبيز»، بنيويورك، واللي تم بيعها بما يقارب 20 مليون دولار، وهو أكبر رقم تم دفعه في عملة معدنية حتى يومنا هذا.
