قبل ما تستثمر في العقار لازم تشوف الفيديو دا
الاستثمار العقاري من افضل انواع الاستثمار.. عوائد بتجيلك جاهزة ومن غير تعب.. لكن لازم قبل ما تنوي تستثمر في العقار تختار العقار الصح.. والنهاردة هانقولك تعمل كدا ازاي
قولنا ان العقار هو أفضل استثمار السؤال هنا أستثمر في وحدة سكنية، إدارية، طبية ولا تجارية؟
بص يا فندم.. مجرد ما حضرتك بتفكر في الاستثمار يجي في بالك مباشرةً شقة سكنية ليه؟ عشان كلمة سكن يعني أمان بتطمن على مستقبلك ومستقبل أسرتك ... الشقة بتكون أمان لأولادك .
لكن من الناحية الاستثمارية.. انهي أحسن اختيار.. هقولك في الأول بتتحدد بناءً على شوية عوامل.
أولهم البادجت.. عندك مثلًا الوحدات الإدارية والطبية إلى حد ما سعرها متقارب لكن لو فكرت في التجارية ف هيكون فيه فرق سعر متر بالزيادة حسب موقعها لان ده أصلا اهم عوامل التجاري.
تاني حاجة..
المكان اللي أنا هشتري فيه مستقبله عامل إزاي؟ وهل هيخدم على أهالي ولا على شركات؟
طيب الإقبال على المنطقة هيكون حجمه قد إيه؟ وتشطيب شكله إيه ونوعه؟
الخدمات اللي حوالين المكان إيه؟
فمثلا الاستثمار التجاري رغم أن سعره أغلى.. إلا أنه بيضمن لك أعلى عائد متوقف على ان يبقي متوافر معاك سيولة كافية ساعتها اختار محل تجارى في (العاصمة الإدارية او زايد او أكتوبر) وده عشان تضمن ربح عالى وسريع .
في النهاية أقدر اقولك وانته بتفكر في الاستثمار لازم تشوف وتدرس كل الحلول وتفتكر أنهي استثمار العائد بتاعه أكبر؟ وده متوقف علي احتياجاتك وممكن حد يكون انسب الحلول ليك مش في التجاري و الإداري ولا الطبي ممكن يكون المناسب ليك هو السكني وده في حالة أنك عايز بيت تعيش فيه أو لو بغرض الاستثمار أنك تأجره وتستفاد منه.
