هجمة خليجية على الاستثمار في مصر.. السعودية وقطر داخلين بتقلهم

يا ترى ايه سر الهجمة الخليجية على الاستثمار في مصر ؟ وليه السعودية وقطر والامارات والبحرين وسلطنة عمان عاوزين يتوسعوا في السوق المصرية؟ وايه اهم القطاعات اللى بتحظى باهتمام من دول الخليج ؟ وهل اللى بيحصل هيكون ليه دور في حل ازمة الدور اللى بتعانى منها مصر ؟ وايه موقف دول الخليج من الشركات المملوكة للدولة واللى هيتم طرحها في البورصة خلال الفترة الجاية؟
 

 
قولنا لحضراتكم قبل كده كتير ان الاستثمار في مصر بيوفر لأى مستثمر أرباح مش هيقدر يحققها في اى مكان تانى لأسباب كتيرة أهمها ان مصر سوق ضخم وفيه حوالى 105 مليون مستهلك وكمان انخفاض العملة المصرية خلا الاستثمار في مصر القل تكلفة الأكثر ربحا قياسا بدول تانية كتير بالإضافة كمان الى الحوافز اللى بتقدمها الحكومة لأى مستثمر أجنبي في ظل اتجاه الدولة لتحفيز القطاع الخاص وزيادة نسبته من الناتج المحلى الإجمالي.. وعشان كده بدأت في الأيام الخيرة بشائر عودة الاستثمار الخليجي الى السوق المصري من جديد وشفنا وفود رسمية من دول زي السعودية وقطر والبحرين وسلطنة عمان بتزور مصر وبتتعرف على الفرص الاستثمارية المتاحة وبتوقع عقود وبروتوكولات تعاون مع مصر لزيادة استثماراتها في السوق المصري. 
طب مين الدول الخليجية المهتمة بالاستثمار في مصر خلال الفترة الجاية؟
المملكة العربية السعودية من أوائل دول الخليج المهتمة بزيادة استثماراتها في مصر وفى اطار حرصها على استكشاف الفرص الاستثمارية زار وفد سعودي كبير برئاسة ماجد القصبي وزير التجارة السعودي وبرفقته 91 رجل أعمال سعودي القاهرة في الأسبوع اللى فات وخلال الزيارة دي تم الاتفاق على مشروعات مشتركة بين مصر والسعودية بمليارات الدولارات ده غير انه تم الاتفاق على بحث التعامل بالعملات المحلية في لامعاملات التجرية بين البلدين.  
مش بس السعودية كان فيه زيارة كمان مهمة لوفد من سلطنة عمان للقاهرة وتم الإعلان عن اجراء مباحثات حول تأسيس صندوق مصري عماني يتم ضخ أموال فيه لعدد من المجالات المحددة زي الصناعات الزراعية والتصنيع الغذائي والأدوية.. ودي يمكن المرة الأولى اللى تقرر فيها سلطنة عمان توسيع نشاطها الاقتصادي في مصر 
فيه كمان وفد من دولة البحرين وزير المالية والاقتصاد وصل مصر للتعرف على الفرص الاستثمارية المتاحة وأهم القطاعات اللى ممكن البحرين تستثمر فيها وكان فيه تقارب كبير في وجهات النظر حوالين المجالات اللى هيتم من خلالها ضخ روؤس أموال بحرينية في السوق المصري
قطر كمان من الدول الخليجية اللى بتولى اهتمام كبير بالاستثمار في مصر والمسولين في الدوحة مهتمين بالدخول في شراكات اقتصادية في كتير من الشركات المطروحة ضمن برنامج الطروحات الحكومية. 
ومتوقع خلال الشهور الجاية يتم الإعلان عن صفقات استحواذ بمليارات الدولارات هيتم ضخها في شريان الاقتصاد المصري وهتوفر مئات الالاف من فرص العمل .