الكهربا هتزيد كام؟.. تحرك جديدمن الحكومة

فى شهر أغسطس اللى فات وبناء على توجيهات من الرئيس عبدالفتاح السيسي بتخفيف الأعباء عن المواطنين فى ظل الظروف الاقتصادية الصعبة اللى كانت مصر بتمر بيها وافق مجلس الوزراءعلى استصدار قرار من وزير الكهرباء والطاقة المتجددة، بتثبيت أسعار بيع الكهرباء ومد إرجاء تطبيق الزيادة في تعريفة بيع الطاقة الكهربائية المُعتمدة لحدأول يناير 2024 .. ودي كانت المرة التالتة اللى بيتم فيها ارجاء زيادة أسعار الكهرباء بعد ما تم ارجائها قبل كده مرتين .. فيا ترى ايه اللى هيحصل بعدنهاية فترة الارجاء ؟ وازاى الحكومة بتفكر في اسعار الشرايج الجديدة ؟ وهل ممكن يتم تأجيل الزيادات للمرة التالتة ؟ واغلدولة بتتكلف كام فروق اسعار بين السعر الحقيقي والسعر اللى بتبيع بيه للمواطنين؟ 
 

 
خلال شهر ديسمبر الجاى المفروض وزارة الكهرباء هتنتهي من تحديث حساب وتسعير تكلفة الكهرباء وكمان الدعم التبادلي بين المشتركين على الجهود المختلفة .. وده بيعتبر تحديث لحساب التكلفة لأن قرار الحكومة بإرجاء تحريك تعريفة الكهرباء بيتطلب تحديث لحساب التكلفة والتسعير، واللى بتتحدد بناء على عدد من المعايير أبرزها حساب تكلفة الوقود المورد لمحطات الإنتاج وسعر صرف الدولار مقابل الجنيه.
طب الحكومة بتفكر ازايفى الملف ده ؟ 
فيه 4 تصورات أو سيناريوهات الحكمة بتدرسهم حاليا بشأن تعريفة الكهرباء هتعرض على اجتماع مجلس الوزراء قبل اتخاذ قرار نهائي في شهر يناير الجاي  الموعد اللى هينتهي فيه العمل بالأسعار الحالية وفقاً لقرار سابق من رئيس الحكومة 
السيناريو الأول هو رفع تعريفة الكهربا على جميع شرائح الاستخدام بنسب متفاوتة تختلف على حسب الاستهلاك واستمرار الدعم التبادلي "يدفع كثيف الاستهلاك قيمة أكبر لدعم محدودي الدخل والأكثر احتياجا"، مع مراعاة محدودي الدخل في الزيادة المقررة.
أما السيناريو التاني فبيتضمن زيادة التعريفة وفقا للمتغيرات الحالية "زيادة سعر صرف الدولار مقابل الجنيه وده هيختلف عن التقديرات اللى كانت محددة قيمته قبل كده  ، وكمان هيتم وضع زيادة سعر الوقود فى الحسبان على أن تحدد التعريفة الجديدة لمدة 6 شهور بس ، ثم يعاد النظر فيها مرة تانية سواء بالتثبيت أو الزيادة.
والسيناريو التالت بينص على إنشاء صندوق خاص تجمع من خلاله نسبة زيادة إضافية على التعريفة المقررة لكثيفي الاستهلاك ويتم استخدام الحصيلة في حال حدوث فجوة بين سعر صرف الدولار مقابل الجنيه لعدم تأثيرها على الأسعار مع تحريك طفيف في التعريفة للشرائح التانية .
أما المقترح أو السيناريو الرابع واللى يعتبر الأضعف واستبعد المسؤوين تنفيذه لأنه هيحمل الحكومة أعباءً كبيرة هو تثبيت التعريفة لمدة 6 شهور  إضافية حتى نهاية يونيو 2024 ثم زيادة التعريفة بما يتناسب مع المتغيرات وقتها.

طب هي الدولة بتتحمل كام فى فروق اسعار الكربا بين السعر الحقيقي والسعر الحالي؟
وفقا لرقام غير رسمية الدولة بتتكلف سنويا ما يزيد على ال 24 مليار جنيه بسبب تغيرات سعر الصرف وارتفاع اسعار الوقود المستخدم فى انتاج الكهربا.