تطور مفاجيء في السوق السوداء للدولار.. تحركات المركزي قلبت الموازين
من يوم الخميس آخر النهار ولحد دلوقتي فيه تطورات كبيرة بتحصل في السوق السودا للدولار وفيه تراجع ملحوظة لسعر العملة الأمريكية في المضاربات على العملة وتقدر تقول كده تقريبا عمليات تنفيذ بيع وشراء الدولار تراجعت بشكل ملحوظ .. فيا ترى ايه اللى بيحصل في السوق الموازية لصرف العملات الأجنبية؟ وليه سعر الدولار بيتراجع ؟ وايه علاقة اللى بيحصل بالتحركات اللى عملها البنك المركزي؟ وكمان ايه العلاقية بين انخفاض سعر العملة الأمريمية وبين تصريحات رئيس الوزراء عن ان أزمة الدولار عابرة؟
من كام يوم رئيس الحكومة الدكتور مصطفى مدبولى طلع في تصريحات تلفزيونية وأكد ان أزمة العملة اللى بتمر بيها مصر في اخر كام شهر أزمة عابرة وهتنتهي خلال أيام وأكد ان اللى شاغل الدولة والحكومة ايه اللى هيحصل بعد نهاية أزمة شح الدولار وازاى الدولة هتوسع نشاط القطاع الخاص وهتزيد مساهمته في نسبة الناتج المحلي.
تصريحات مديولى كان ليها صدى واسع وتاثير واضح في السوق السودا للدولار وكتير من المحللين والخبراء بدأوا يتكلموا ن ايه اللى ممكن يحصثل ويخلى مصر تتخلص من أزمة شح العملة والكلام اتحصر بين سيناريوهين اما ان مصر هتبيع كتير من أصولها ضمن برنامج الطروحات الحكومية اللى بتنفذه الدولة او ان البنك المركزي ههيعمل تخفيض لقيمة الجنيه وده هيخلى الفجوة بين السعر الرسمي للدولار وسعره في السوق السودا تتسد وبالتالي هنوصل لسعر عادل لقيمة الجنيه قدام العملات الأجنبية
والتخفيض المحتمل في قيمة الجنيه هيساهم كمان في عودة الاستثمارات الأجنبية اللى توقفت بسبب وجود اكتر من سعر للدولار في مصر وده بيخلى اى مستثمر عاوز ييجي مصر يفكر 100 مرة ومع وجود سعر واحد هتلاقي استصمرات أجنبية كتيرة تدخل مصر من جديد.
تصريحات مدبولى اتزامنت كمان مع تحركات للبنك المركزي المصري قلبت الموازين وعملت ارتباك في السوق الموازية للعملات وكان أهم التحركات دي اعفاء تحويلات المصريين في الخارج من اى رسوم وكمان التحويلات دي هتتم من خلال تطبيق انستاباى اللى بيرعاه البنك المركزي وهيتم تطبيق النظام الجديد من خلال 3 دول كمرحلة أولى هي السعودية والامارات والكويت وطبعا ده هيحل أزمة تراجع تحويلات المصريين في الخارج واللى تراجعت بنسبة 30% في اخر إحصائية للبنك المركزي.
البنك المركزي كمان دخل في مفاوضات ونقاشات مع السعودية وبعض الدول العربية للانتهاء من اتفاقيات مبادلة عملات محلية وده هيخفف الضعط على الدولار وهيقوي موقف الجنيه وفاتورة الاستيراد هتتراجع بشكل ملحوظ.. وكل ده هيكون ليه تاثير على وضع الجنيه والدولار في الشهور القليلة الجاية.
