أفضل شهادتين استثمار في السواق.. العائد خيالي

أكيد سمعت عن شهادات الاستمثار.. اللي أكبر عائد شهري فيها يصل لـ 19% .. وشهادة تانية العائد بتاعها 18.5%.. لكن شهادة العائد بتاعها  39% .. جديدة شوية دي.

لأ مش جديدة ولا حاجة.. لأن بنك التنمية الصناعي بيقدم دلوقتي شهادة بالجنيه المصري العائد بتاعها بيصل لـ 39%..

وأزيدك من الشعر بيت.. الشهادة دي هاتاخد فلوسها وقتي.. بمعنى إن العائد بتاعها هايكون مرة واحدة بشكل تراكمي.

المهم الشهادة دي مدتها 3 سنين.. ومتاح أنك تشتريها بس بالعملة المحلية "الجنيه".. ولازم تعرف إن الحد الأدنى لشراء الشهادة دي هو 50 ألف جنيه وبدون حد أقصى يعني تشتريها بـ 100 ألف بـ 200 بـ مليون عادي.

وخلي بالك.. الشهادة دي تقدر تستردها بعد مرور 6 شهور بس من يوم العمل التالي لتاريخ ربط الشهادة.. يعني تقدر تاخد فلوسك اللي ربط بيها الشهادة بعد نص سنة من شرائها.

وبمدة قدرها 3 سنين وسعر العائد عليها شهري ويبلغ 19%.. وشرائها بـ ألف جنيه

تقدر برضوا تشتري شهادة الاستثمار الثلاثية من البنك الأهلي المصري

واللي يعتبر العائد بتاعها من أعلى النسب الشهرية الموجودة دلوقتي في الجهاز المصرفي

واللي تقدر تقترض بضمانها من أي فرع من فروع البنك الأهلي المصري.. وكمان تقدر تستلم بطاقة ائتمان بأنواعها بضمان الشهادة دي.

وزي ما قولنا قبل كدا.. الشهادات فلوسها بتروح في الاستثمار.. ودا الافتاء أكد أن استثمار فلوسك فيها مش حرام.. فكر ودبر فلوسك وروح أقرب فرع من فروع البنوك دي علشان تشتري شهادة تناسبك