أخيرا مصر هتحل أزمة الدولار.. هنقولك إزاي بالأدلة والتفاصيل

 
كلنا عارفين ان مصر بتعيش أزمة اقتصادية صعبة جدا.. وبتعانى من نقص واضح في العملة الأجنبية وتحديدا الدولار.. بشكل انعكس على أسعار كل السلع اللى وصلت الى مستويات قياسية محصلتش قبل كده أبدا في تاريخ مصر.. وأزمة الدولار مش بس مسمعة في أسعار السلع والاحتياجات الأساسية للمصريين لا دي ليها كمان تأثيرات خطيرة على ملف ديون مصر الخارجية اللى بترتفع تكلفتها مع كل ارتفاع في سعر العملة الأمريكية وكمان تأثير لا يقل خطوة على حجم الاستثمارات الأجنبية خصوصا في ظل وجود أكتر من سعر للدولار في مصر سواء في السوق السودا او في دولار الدهب والسيارات أو حتى في سعر الدولار في البنوك وشركات الصرافة.. ورغم صعوبة الموقف الحكومة بتكليفات مباشرة من الرئيس السيسي شغالة في أكتر من ملف لتوفير سيولة دولارية والخبر الحلو ان مصر هتجمع خلال فترة قليلة مبلغ ضخم جدا هيحل أزمة الدولار في مصر.. فيا ترى المبلغ ده كام؟ ومصر هتجمعوا منين ؟ وازاي هتحل بيه أزمة نقص العملة الأجنبية؟ .. كل ده هنقولوا لحضرتك في الفيديو ده 
 

 
زي ما قولنا لحضراتكم قبل كده كتير ان مصر بتحاول بكل الطرق انها تقضي على ازمة السوق السودا للعملة لأن وجود سعرين للدولار ليه تداعيات خطيرة جدا على الاقتصاد وعلى مناخ الاستثمار .. وفى الكام يوم اللى فاتوا تم الإعلان عن مجموعة من الأخبار السعيدة في الملف ده.. وكلها اخبار بتقول ان مصر ماشية في الطريق الصحيح وانها خلال فترة مش طويلة هتقضى على أزمة نقص الدولار.. وخلونا نقول لحضراتكم ده هيحصل ازاي؟ 
بص يا سيدي الفلسفة العامة اللى الدولة بتتحرك عليها دلوقتى هي جمع اكبر كمية من الدولار بشرط ان المبالغ دي تكون بعيدة عن المصادر التقليدية يعنى دولارات تدخل مصر بعيد عن السياحة وقناة السويس وتحويلات المصريين بالخارج لأن كده كده دي مصادر ثابتة ممكن يحصل فيه شوية تحسن لكن التحدي انك تزود دخلك الدولاري من مصادر تانية خالص وده اللى حصل فيه انفراجه كبيرة اوى ف الفترة الأخيرة. 
حد هيسأل ويقول الانفراجة دي حصلت في ايه بالظبط ؟ 
هقولك .. بص يا سيدي..  من أيام قليلة الاتحاد الأوربي أعلن عن خطة لدعم مصر بقيمة 10 مليار دولار بتتضمن استثمارات في عدة قطاعات.. ومن خلال الخطة دي بيحاول الاتحاد الأوروبي تسريع جهوده لتعميق علاقته مع مصر ومساعدتها على معالجة التداعيات المتزايدة اللى نتجت عن العدوان الإسرائيلي على غزة. 
وبتخطط رئيسة المفوضية الأوروبية أورسولا فون دير لاين تخطط لزيارة القاهرة خلال أيام  لتعزيز الجهود المبذولة لدعم التنمية الاقتصادية في مصر وتخفيف تأثير الأزمة المستمرة في غزة.
وهتتضمن خطة الاتحاد الأوروبي لدعم مصر 6 أولويات تتراوح بين الاقتصاد والاستثمارات والهجرة والأمن.
وعلى الصعيد الاقتصادي بيرغب الاتحاد الأوروبي في استكشاف الخيارات مع الدول الأعضاء لمساعدة مصر على معالجة عبء ديونها الثقيل.
وبتسعى الخطة كمان للحد من الهجرة غير الشرعية إلى أوروبا من خلال مساعدة مصر في إدارة الحدود وإجراءات مكافحة التهريب والعودة الطوعية.

ووزارة المالية أعلنت من فترة قريبة انها بتتوقع جمع حوالى 12 مليار دولار من تدفقات الاستثمارات الأجنبية اللى بلغت خلال العام المالي الماضي ١٠ مليار دولار، ومن المتوقع ارتفاع الاستثمارات دي مع التوسع في تنفيذ برنامج «الطروحات الحكومية».
وفيه كمان 2 مليار دولار هييجوا من صندوق النقد الدولى اللى أعلن في الساعات الأخيرة انه بيدرس بجدية رفع القرض الوجه لمصر من 3 الى 5 مليار دولار .. وفيه مليار دولار هتدخل مصر الفترة الجاية من شركاء دوليين 
كمان من يومين تم الإعلان عن تجديد وديعة كويتية بقيمة 4 مليار دولار.. وخد بالك كل دي أخبار إيجابية بتقول ان مصر قادرة على جمع السيولة الدولارية اللى محتاجاها لأن مفيش دولة ولا مؤسسة تمويل دولية بترمي فلوسها في الأرض