هاتبقى غني .. ومش هاتتعرض لأي أزمة مالية لو نفذت الكلام دا بالحرف الواحد
علشان أي أزمة اقتصادية تكون في أمان منها لازم تنفذ الوصايا دي..علشان اسرتك ماتنضرش بفعل إنهاء العمل تعاقده معاك لا قدر الله.. أو أي حاجة تانية لازم تنفذ برضوا الوصايا دول.
في أوقات كتيرة اوي.. ناس كتير مننا بتواجه أزمات حادة.. سواء مرتبطة بالأوضاع الاقتصادية العامة أو مرتبطة بالأفراد أنفسهم، ودا بيأثر على استقرارهم المالي وحياتهم بشكل عام، نتيجة لظروف طارئة مثل فقدان الوظيفة أو حتى مصاريف غير متوقعة مثل إصلاح سيارة أو تكاليف طبية كبيرة، ودا بيخلينا في حاجة دائمة إلى التخطيط بشكل جيد واتخاذ بعض الخطوات للحد من تأثيرات الأزمات المالية دي وتجاوزها بأقل الأضرار.
وعلشان تقدر الأسر والأشخاص أنها تواجه الأزمات المالية الناتجة عن تدهور دخولهم، وتجنب تأثيرها على القدرة على تلبية احتياجاتهم الأساسية، فدا بيتطلب تخطيط لكيفية التعامل معها والتغلب عليها، وتجنب الديون بطريقة فعالة لتحقيق استقرار مالي.
و الخبراء بيحددوا مجموعة من النصائح في السياق دا.. واللي نقدر نلخصها في عدد من النقاط.. أهمها أولا إنشاء صندوق للطوارئ.. واللي ممكن من خلاله ادخار مبلغ من المال يكفي لتغطية نفقاتك لمدة من 3-6 أشهر.
و الصندوق هيكون بمثابة وسيلة لتغطية نفقاتك في حالة الأزمات المالية مثل فقدان الوظيفة أو الإصابة.
كمان لازم تحط ميزانية شخصية.. ودا من خلال إعداد ميزانية شخصية من خلالها تقدر تساعد نفسك على تتبع إيراداتك ومصروفاتك.
ضروري كمان تقلل الديون القائمة.. يعني لو عليك ديون دلوقتي فحاول تسددها بأسرع وتيرة ممكنة. والأفضل أنك تبدأ بالديون اللي بتحمل أعلى أسعار فايدة.
خليك في الأمان واعمل تأمين الصحة وتأمين الحياة. ودول أنواع من التأمين تقدر تساعدك في تقليل تأثير الأزمات المالية في حالة الأمور غير المتوقعة.
ولية يا فندم ماتحطش ميزانية للتوفير.. ودا تقدر تعمله بسهولة لما تخصص جزءاً من دخلك الشهري للتوفير. حتى لو كان المبلغ محدود، ودا هايخليك بالمناسبة قادر على بناء استقرار مالي بمرور الوقت.
وياريت ياريت يعني توقف شوية من مسألة الإنفاق الزائد.. وابدأ بقى اتعلم أنك تفرض قيود وتتجنب الإنفاق الزائد على السلع والخدمات غير الضرورية.
ويا سلام لو دورت على مصادر إضافية للدخل سواء حاجة خاصة بيك أو عمل إضافي.
صدقني النصائح دي بيوصي بيهم جميع خبراء المال.. امشي عليهم ومش هاتندم.
