هاتشطب بيتك ب ألف جنيه.. البنوك هاتمولك وتسلمك الشقة على المفتاح

أنا عارفة أنك محتار... وبتحاول بشتى السبل أنك تتجوز والمشكلة اللي بتواجهك هو أنك تشطب شقتك.. وعلشان كدا هانقولك على الحل

في مصر في بنوك بتقدم تمويلات كتيرة وفي كل المجالات.. حتى تشطيب البيت البنك هايقدملك مبلغ من خلاله تقدر تتجوز وتفتح بيت

يعني سيراميك بيتك وسباكتك والمحارة والدهان البنك هايمولك الفلوس اللازمة علشان تعمل كدا

خد عندك مثال على كدا... واللي بيطرحه بنك  بنك أبو ظبي الأول.. واللي بيقدملك قرض بيصل إلى 15,000,000 جنيه مصري.. وطبعا دا رقم مش تشطب بيه دا تشتري ١٠ شقق بيه.

ومن مزايا التمويل دا هو أنك تقدر تدفع براحتك على 
فترات سداد مريحة تصل إلى 15 سنة

بس لازم علشان تاخد القرض هو أن يكون سنك  25 سنة وحتى ٦٠سنة.. ودا  متاح للمواطنين المصريين.

وعلشان تحصل على القرض دا هو أنك تروح البنك ببطاقة رقم قومي سارية..  وخطاب عمل حديث أو كشف حساب مصرفي يوضح الدخل للموظفين.وكمان تقدم سجل تجاري حديث وكشف حساب مصرفي وبطاقة ضريبية لأصحاب الأعمال وأخيرا فاتورة خدمات حديثة.

وفي بنك مصر . تقدر تحصل على قرض بيتراوح  من 10 آلاف جنيه ويصل إلى 1.5 مليون جنيه كحد أقصى.-

والميزا هو أن القرض دا فيه فترة سداد بتترواح من 6 شهور إلى 10 سنوات كحد أقصى.

ونسبة الفائدة عليه بتتراوح ما بين 17% إلى 20% سنويا على أساس متناقص حسب نوع وظيفة العميل.

ولو أنت من عملاء البنك فلازم دخلك الشهري يكون ألف جنيه كحد أدنى .. وألفي جنيه لغير العملاء. بشرط أنك تكون أكبر  من 21 سنة  وحتى 60 سنة.

وفي البنك الأهلي المصري تقدر تستلم قرض تشطيب الشقة بيصل إلى 150 ألف جنيه كحد أقصى.

وفترة السداد عليه بيترواح ما بين سنة وحتى 5 سنوات.

ونسبة الفائدة عليه بيترواح ما بين 17% سنويا على أساس متناقص إلى 20.5% سنويا وذلك حسب إمكانية تحويل العميل راتبه على البنك.

والقرض دا لازم علشان تستلمه يكون الدخل الشهري الخاص بيك هو 6 آلاف جنيه كحد أدنى دون تحويل الراتب على البنك، أو 1500 جنيه لعملاء تحويل الراتب على البنك. ولازم برضوا يكون سنك ما بين 21 سنة إلى سن المعاش 60 سنة أو ٦٥.