امتى تبيع الذهب وتكسب منه؟ لو عايز تعرف الوقت المناسب لازم تشوف الفيديو دا
الذهب.. افضل وأحسن وسيلة استثمار آمنة في العالم..يا ترى ازاي نستفيد منه.. وامتى نشتريه؟ وامتى نبيعه؟..وهل الوقت الحالي مناسب لشراء الذهب
مافيش شك أن الذهب يعتبر من أهم وسائل الاستثمار اللي بتلجأ ليها الناس.. وهو بالفعل بيحظى باهتمام شعبي كبير والناس دايما في متابعة مستمرة لأسعار الذهب.
النصيحة الثابتة في مواعيد شراء أو بيع الذهب.. بتكون من المتخصصين واللي دايما شايفين إن الاحتفاظ بالذهب ضرورة باعتباره استثمار آمن على المديين المتوسط والطويل.
والأفضل هو عدم التعامل مع الذهب بعقلية "المضاربة" أو الرغبة في الحصول على مكسب سريع، خاصة وأن الذهب من الاستثمارات اللي بتجيب عوائد.. لأن الأفضل هو بقاءه حتى فترات الاضطرابات أو الوقت اللي أنت محتاج فيه فلوس.
طيب لو أنت عايز عوائد بشكل مستمر.. ومش لازم يعني تستنى لوقت الاضطرابات واللذي منه علشان تبيع تعمل اية؟
ببساطة كدا لو عندك رغبة في الحصول على عوائد سريعة أو دورية، فلازم تعرف إن في قنوات ووسائل استثمارية أخرى تقدر تلجأ إليها كمستثمر.
زي مثلا صندوق الاستثمار في الذهب.. واللي ممكن تجبلك عوائد دورية.. أو أنك تبيع جزء من الذهب اللي معاك وتشتري غيره بس لازم وقتها تكون فاهم حركة السوق كويس اوي.
والأفضل بقى هو أنك تنوع من مصادر دخلك.. بمعنى أنك لو بيعت جزء من الذهب فالافضل أنك تشتري شهادة استثمار تجبلك عوائد دورية وفي نفس الوقت تفضل محتفظ بدهبك.
طيب لية الافضل أن الدهب يفضل معاك اطول فترة ممكنة
الاجابة كانت عند رئيس شعبة الذهب بغرفة القاهرة التجارية، هاني ميلاد، واللي أكد في تصريحات صحفية إن
الذهب كلما تم الاحتفاظ به لوقت أطول ف قيمته بتزيد..
والأفضل هو عدم اتخاذ خطوة البيع للسبائك الذهبية أو المشغولات "إلا في حال احتياج سيولة مالية للضرورة"، لكن لو مافيش ضرورة فلا داعي للبيع.
ولازم تعرف إن تحقيق المكاسب المالية من التحوط بالذهب مش هيحصل إلا من خلال الاحتفاظ بالذهب لأطول مُدة ممكنة.
ونصيحة مني ليكم.. بلاش تبيعوا الذهب دلوقتي.. ودا لأن التوقعات رايحة على أن أسعار الذهب هاتزيد لسه الفترة الجاية.
ولازم تعرف أن شراء الذهب باعتباره استثمار هو أمر مناسب في كل الأوقات، لكن لما تيجي تبيع لازم تتأنى، خاصة أن الذهب على المدى الطويل بيكون مربح، ودا لأنه أفضل استثمار على مستوى العالم.
وكمان الإقبال على شراء الذهب والتحوط به خلاص بقى توجه عالمي.. مش بس في الشرق الأوسط.
وبالمناسبة لبنان ومصر وتركيا دول من أكتر ٣ دول في منطقة الشرق الأوسط قاموا بشراء كميات كبيرة من المعدن الأصفر.
وزي ما قولنا من المتوقع أن سعر الذهب يشهد ارتفاعات جديدة متأثراً بما تشهده المنطقة من توترات وعلشان كدا الافضل أنك تستنى التلات أربع شهور الجايين دول وبعدين تاخد قرارك.
