سر قوة السيسي وسلاحه الرهيب.. القوة الغاشمة جاهزة

 ايه اللي بيخلي الرئيس السيسي في كل مرة يتكلم بكل ثقة عن قدرة مصر على ردع اي تهديد.. وايه سر الثقة في كلامه وايه اللي قاله من سنين ومحدش خد باله منه وايه هي قدرات مصر الحقيقية

زمان في إحدى المناسبات العسكرية اتكلم الرئيس السيسي عن تطوير القوات المسلحة المصرية وإن دا بقي فرض على الدولة لحماية مكتسباتها وثرواتها خاصه بعد اكتشاف حقل ظهر واكتشافات تانية وبدء التنمية في سيناء وتهديدات سد النهضة والرئيس ساعتها قال جملة محدش خد باله منها كويس لما قال دا احنا عندنا ومخبيين وكان قصده على السلاح عشان أهل الشر والعدو يفضل مرعوب من السلاح اللي مخليه السيسي ودا كلام اتقال علنا ومش سر ولا حاجة .

نيجي بقا لقوة مصر العسكرية اللي مخلية الرئيس السيسي يتكلم بكل ثقة  وهي أرقام ومراكز منشورة في المواقع العسكرية والعالمية ومش سر في قائمة ترتيب اقوى الجيوش العالمية ودا بيطلع كل سنة في موقع جلوبال فاير ومن ترتيب الجيوش الجيش المصري احتل في سنة من السنوات الترتيب التاسع عالمياً في قدرة القتال وعدد الوحدات ونوعية السلاح والقوة البشرية المقاتلة عارف حضرتك يعني ايه الجيش التاسع عالمياً يعني يقدر يدير اكتر من حرب في وقت واحد وكمان الاقوي افريقيا وعربيا وفي الشرق الأوسط.
ونرجع للترتيب هتلاقي القوة البحرية المصرية من اقوى البحريات في العالم وضمن ال10 الكبار عالميا ..وقوة الدفاع الجوي الاولى عالميا وبيعد السلاح دا بالذات ويصنف على إنه أعقد نظام دفاع جوي في العالم بسبب تنوع تسليح وشبكته الإلكترونية المعقدة.

كمان القوة المقاتلة في الجيش المصري سواء العاملة أو الاحتياط حوالي مليون مقاتل جاهزين وضيف عليهم 40 مليون مقاتل ممكن ينضموا لصفوف الجيش وعندهم قدرة على القتال وفي سن التجنيد قواتنا الجوية من احدث القوات في العالم.. مصر عندها قوات النخبة أو الخاصة زي الصاعقة و999 من افضل عشر قوات خاصة في العالم وبتسمى بقوات المهام المستحيلة.. كمان مصر أسست قوات جديدة اسمها القوات سريعة التدخل المحمولة جوا ودي اللي بتخلص أي معركة في أولها وتحسمها للجيش المصري.

كمان مصر عندها ميزة العمق الاستراتيجي والتوزيع الجغرافي للقوات يعني صعب تدخل معاها في معركة شاملة وضيف لدا كله إن نظم التدريب المصرية من أرقي أساليب التدريب القتالي في العالم وعشان كده في أي مناورات عسكرية دولية بتلاقي عشرات الدول بتشترك في المناورات زي مناورات النجم الساطع واللي شارك في نسخة الأخيرة حوالي33 من جيوش العالم وهي واحدة من أضخم فعاليات التدريب الدفاعي والقتالي في العالم..  ودا عشان يستفيدوا من التدريب المصري ، بالإضافة إن الجيش المصري ودا سر قوته الحقيقي عنده عقيدة الوطن وإنه الموت اهون من التفريط في شبر واحد من الأرض وشعاره النصر أو الشهادة بجانب أن الجيش المصري ليه خبرات وتجارب قتالية كبيرة من حروبه السابقة .
كل اللي بنقوله عن قوة الجيش المصري معلن للجميع واكيد مصر عندها مفاجآت كتير وعندها وقت اللزوم القوة الغاشمة اللي قال عليها السيسي قبل كده واللي تقدر تحسم أي معركة مهما كان حجمها ودا سر قوة السيسي وثقته النابعة من ثقته في القوات المسلحة ومحبته لخير اجناد الأرض.