ماذا يحدث عند ضفتي قناة السويس.. حدث رهيب وسوق الدولار هينام
ايه اللي بيحصل دلوقتي على ضفتي قناة السويس وازاي المنطقة هتغير شكل العالم الاقتصادي والتجاري وازاي مصر هتتحول لغول اقتصادي والدولار سوقه هينام.. خليكم معانا لآخر الفيديو
الممر الملاحي لقناة السويس معروف إنه اهم ممر ملاحي في العالم وبتمر فيه 14% من تجارة العالم وقعدت القناة على كده سنين مجرد ممر ملاحي من غير اي استغلال تاني لغاية ما جي الرئيس السيسي وأعاد اكتشاف الكنز المصري في قناة السويس وكانت البداية بتعظيم مردودها الاقتصادي وكان مشروع القناة الجديدة في أول حكمه واللي خلص بعد سنة واحدة في معجزة مصرية جديدة.
بعد كده بدأ التفكير في استغلال موقع قناة السويس وتحويلها لمركز عالمي متكامل لنقل وتوزيع وتفريغ البضائع وعشان دا يحصل الدولة نفذت مجموعة موانئ حديثة ومتطورة لخدمة القناة زي موانئ بورسعيد والعريش ومحطة تحيا مصر بميناء الإسكندرية وبنت كمان شبكة سكة حديد في سيناء لربط ميناءي طابا والعريش وبين بئر العبد والعريش
وإعادة تأهيل وتطوير وإنشاء خط الفردان - شرق بورسعيد - بئر العبد - العريش - طابا بطول 500 كيلومتر بالإضافة إلى
إعادة تأهيل وتطوير خط السكة الحديد «الفردان - بئر العبد» بطول 100 كيلومتر واستكمال خط سكة الحديد «بالوظة - ميناء شرق بورسعيد» بطول 44 كيلومترا... وهدف شبكة الخطوط دي ربط التجارة الدولية من طابا وخليج العقبة لقناة السويس وموانئ مصر في المتوسط ودا بمثابة خط أو ممر تجاري دولي جديد لربط اسيا باوروبا في أقصر طريق ممكن لضرب اي ممرات تانية بديلة.
مش كده وبس مصر فكرت أنها تحول قناة السويس لمشروعات عملاقة على طول الخط الملاحي وكانت البداية مع المنطقة الاقتصادية لقناة السويس واللي جذبت استثمارات بالمليارات سواء في المنطقة الصناعية الروسية أو الصينية والهندية الإسبانية ونزلت اليابان كمان بتقلها وقررت تستثمر بشكل ضخم في المنطقة الأكثر ميزة في موقعها الجغرافي والاستراتيجي وتوسطها للقارات التلاتة بجانب وجودها بجوار قناة السويس يعني المنطقة كلها هتتحول لمركز تجاري ولوجستي وصناعي باستثمارات ضخمة جداً في الفترة الجاية بجانب الاتفاقيات اللي وقعت بالفعل.
وبخصوص ارقام الاستثمارات سونج تساى سن العضو المنتدب لتيدا مصر وهي المنطقة الصناعية الصينية في المنطقة قال إن فيه تفاوض لجذب استثمارات صينية جديدة قيمتها 10 مليار دولار بالتعاون مع المنطقة الاقتصادية لقناة السويس، وتوقع أن تحقق قيمة إنتاج سنوية تبلغ 18.7 مليارًا وتوفر 15000 فرصة عمل وقبلها شهد مصطفى مدبولي، توقيع خطاب نوايا بين وليد جمال الدين، رئيس الهيئة العامة للمنطقة الاقتصادية لقناة السويس، و ليو أيمين، رئيس مجلس إدارة شركة الصين أفريقيا تيدا للاستثمار، فيما يتعلق بطلب توسعات جديدة لتنمية وتطوير مساحة أخرى من الأرض تبلغ 3 كم2 لإقامة منطقة صناعية إضافية بالمنطقة الصناعية بالسخنة، لتضاف إلى مساحة منطقة تيدا- مصر، والتي تبلغ 7,3 كم2 وتخطت إجمالي الاستثمارات بها حاجز الـ2 مليار دولار ودا غير توقيع اتفاقية بين مصر و الصين لإقامة مشروعات طاقة جديدة في المنطقة الصناعية بالسخنة، بتكلفة استثمارية إجمالية تصل إلى 14.75 مليار دولار.
يعني بنتكلم على الإجمالي المعلن والمتفق عليه بحوالي 26 مليار دولار استثمارات صينية بس في المنطقة الاقتصادية لقناة السويس ودا غير باقي الاستثمارات الدولية اللي قلنا عليها.. ودا بيأكد حقيقة واحدة إنه في خلال سنين معدودة المنطقة الاقتصادية هتكون اهم مركز تجاري وصناعي ولوجستي في العالم بإيرادات مئات المليارات من الدولارات وساعتها سوق الدولار هينام للأبد.
