بوابة الطمع.. سر التهافت على سرقة سيناء.. كنز كنوز العالم

اشمعنا سيناء اللي عليها الطمع دايما وليه بقت بوابة للطماعين على مدار الاف السنين وسيناء فيها إيه عشان تبقى مطمع لكل الأعداء وسر رعب إسرائيل وأمريكا من تعمير شبه الجزيرة
 

على طول التاريخ سيناء ليها وضع خاص جدا في الخريطة الجغرافية في العالم ويكاد تكون المكان الوحيد على مستوى العالم اللي ليه خصوصية شديدة، وليه لأ وسيناء اجمل مكان في الدنيا من ناحية الطبيعة الخلابة والجبال والسهول والخلجان وفيه درة البحار والشعاب المرجانية النادرة يعني مكان سياحي من الدرجة الأولى وعير كده سيناء ليها وضع ديني خاص عند مليارات البشر لأنها المكان الوحيد اللي تجلي فيه ربنا العزيز على الأرض لبشر وهو سيدنا موسي وكأنها بقت همزة الوصل بين السماء والأرض من وقتها.
على المستوى الاقتصادي سيناء كفيلة بثرواتها وكنوزها إنها تجلب الرفاهية لمصر كلها وإنها تساوي 100 سنغافورة في بعض ودا سر إن التنمية فيها دايما كانت تتوقف بفعل المؤامرات الخارجية واللي مش عاوزة التعمير يوصل سيناء لأنها كنز كنوز العالم.

سينا لو اتحولت لمشروع سياحي متكامل بكل مناطقها تقدر تجيب 100 مليار دولار بس من السياحة بفضل موقعها الفريد وامكانياتها الاثرية والدينية وفيروز مياهها وصفاء جوها من الأخر كده سيناء لو اشنغلنا فيها سياحة بس هتكفي مصر ودا مش كلامنا دا كلام خبراء السياحة والسفر ومكدبوش مين عنده محميات زي الموجودة في سيناء ومين عنده شرم الشيخ ودهب ونويبع وراس شيطان وسانت كاترين والتجلي الأعظم والعائلة المقدسة والأديرة الشهيرة والمعابد الفرعونية وشواطيء الغطس وسياحة الرمال وغيرها وغيرها..
بجانب السياحة سيناء فيها موارد طبيعية لاتقدر بتمن وبالإضافة إلى المواني الجديدة وخطوط التجارة الدولية وقناة السويس وخليج العقبة.. يعني تقدر تقول سيناء كيان قائم بذاته اقتصاديا وسياحيا وتجارية قادر على إنه يحول الاقتصاد المصري لنمر كبير في المنطقة وهتبقى غول مالي وتجاري دولي بعد الانتهاء المشروعات العملاقة اللي بتحصل هناك والتنمية الشاملة ودا اللي خلاها مطمع دايما لكل الأعداء وقوى الشر اللي حاولت تستولي عليها أوز تعطل التنمية فيها بأي شكل مرة إرهاب ومرة عشان اتفاقيات ومرة عشان أمن قومي.. لكن الرئيس السيسي قرأ الخطر بدري جدا وقرر يعمرها لأول مرة تعمير حقيقي مش مجرد مشروعات وخلاص.. تعمير يحولها لقلاع صناعية وتعدينية ومركز للتجارة الدولية ونقطة مرور مهمة بين القارات واستغلال كل إمكانيات شبه جزيرة سيناء في كل المجالات وإضافة قيمة للاقتصاد الوطني وفي نفس الوقت تعميرها هيسد أبواب الشر ومحاولات اللعب بالنار ومخططات الطمع في اهم قطعة في جسد مصر واخرها مؤامرة الوطن البديل وتهجير الفلسطنين لسيناء وخلق بؤرة مشاكل فيها لكن مصر كانت جاهزة والرد كان عملي من وسط الفرقة الرابعة مدرعات واللي حدق يفهم.