لن تسير وحدك.. المصريين ضهر السيسي في كل شدة
والله اللي هيقربلها لاشيله من فوق وش الأرض.. دي الكلمة اللي قالها السيسي لما حس إن المصريين خايفين من المؤامرات اللي بتحصل وخاصة في سيناء والجماعات المتطرفة والمسلحة اللي زرعها الإخوان في البلد عشان تنتقم من المصريين ومن يومها الناس حطت السيسي في عينيها وعرفته إنه هو السند والحامي والحارس القوي والمهيب لحمايتها من كل شر وصونها من كل غدر
كان بين السيسي والشعب عهد من أول القصة لغاية دلوقتي.. والرئيس صاين العهد والشعب شايل الجميل والوقفة اياها في الشدة الكبيرة.. مع بعض وبيكم ومعاكم يامصريين هنقدر على القدرة واللي معاه ربنا مابيخافش واحنا ضهرنا ربنا لأننا دعاة بناء وعمار وتنمية وتطوير ومش دعاة خراب وتآمر وتخريب.
في كل مرة من سنة 2012 لغاية دلوقتي لما البلد كانت هتضيع وأرضها هتتباع وشعبها بقي أسير جماعة بتتأمر ليل نهار عشان تنتقم وتصفي حساباتها مع الشعب وتأخون مفاصل الدولة وتعمل ميلشيات مسلحة وحرس موازي للدولة وبتستعين بالمرتزقة عشان تحكمها بالحديد والنار والإرهاب والتخويف ظهر الفريق أول عبدالفتاح السيسي في الصورة ورغم أنه كان وزير الدفاع في عهد الجماعة الخائنة لكن فيه جسر خفي وروحاني اتمد بين الشعب ووزير الدفاع الجديد وحسوه بطل وإنه داهية وعارف أبعاد المؤامرة ووقت الشدة هيلاقوه ومن هو وزير دفاع حارب مخططات رهن الدولة للإرهاب وتحويلها لمعسكرات المرتزقة واجهض مؤامرة بيع الأراضي للأجانب في سيناء ببطاقات مزورة وحصنها ضد البيع والشعب المصري كله اتأكد إن الفريق أول السيسي نوع مختلف من الرجال وإن رهان الشعب على قواته المسلحة دائما رهان صحيح وفي محله وعمر الجيش ماخذلك يامصر .
السيسي قال أنا على العهد مع ربنا ومعاكم اني أبني واعمر ورجع للبلد هيبتها ولازم نشتغل صح وفيه صعوبات وآلام لازم تتحملوها معايا لأن احنا مش في دولة دي شبه دولة وانا هشتغل صح وزي مابيرضي ومش هرضي اي حد على حساب البلد .. بدأت معركة التنمية في كل شبر في الجو والبحر والبر .. كانت مهمة شبه مستحيلة وهي بناء دولة كاملة وقوية وجاهزة من كل حاجة بنية تحتية قوية وحديثة في الطرق والكهرباء والمياه والصرف والزراعة والصناعة وقناة سويس جديدة وعاصمة إدارية و14 مدينة ذكية وعمار وتعمير وخير في كل مكان وأعلى معدلات نمو في العالم والبلد جريت في التنمية والازدهار وصارت حدوتة العالم بيستغربها لأن كل المعجزات دي حصلت في أقل من 10 سنين في وقت كانت البدايات صعبة جدا لأن السيسي كان بيبني بيد وبيحارب الإرهاب باليد التانية.
المصريين في كل المحن كانوا ضهر السيسي وفي كل مرة يحس ا إنه محتاج كلمتهم ودعمهم كانوا ينزلوا يدوه الكلمة وسر على بركة الله احنا معاك وليك تفويض مفتوح ومين اخلص منك عشان يتولى أمرنا في كل صغيرة وكبيرة وفي الرخاء قبل الخطر..
المصريين نزلوا وقالوا للسيسي معاك في كل خطوة عشان تحمي سيناء والأمن القومي المصري ولو عاوزنا محاربين احنا جنودك ولو عاوزنا ضهر احنا سندك وعزوتك.
