اقتصاد هش ووحش من ورق وكيان وهمي.. إسرائيل أكذوبة العصر

إسرائيل هي أكبر كدبة في العالم من 75 سنة وأكتر وهي عايشة على الوهم وعلى البروباجندا وعلى الإعلام اللي قدمها إنها غول اقتصادي وجيش لايقهر وواحة الديمقراطية في المنطقة وأقوى مخابرات وأمهر شرطة وايدها واصلة لمل مكان في العالم.. إزاي اسرائيل باعت الوهم للعرب والعالم
 

بداية من نزوح اليهود الي الاراضي الفلسطينية في الأربعينات وتشكيل عصابات مسلحة لارهاب المواطنين بارتكاب مذابح يندى لها التاريخ، والنتيجة ظهور إسرائيل من تحت عباءة عصابات مسلحة زي ارجون والهاجاناه وبكده اسرائيل هي البلد الوحيد اللي قايم على فكر العصابة والأرهاب، واستمرت في الكذب وروجت لنفسها إنها خليفة الغرب الديمقراطي في الشرق الأوسط وفي 67  واللي كانت معركة من تدبير أمريكا من الألف للياء وسمتها المخابرات الأمريكية عملية الديك الرومي لتوريط عبد الناصر في الحرب.
وطول الفترة مابين النكسة لغاية حرب أكتوبر  73 عاشت اسرائيل أكتر أيامها سعادة لأنها افتكرت إن الأرض اللي خدتها غدر وضربت الجيوش العربية على الأرض هتفضل في ايديها لحد ماجاء السادات وحاربها وجها لوجه والنتيجة انهيار اسطورة الجيش الورق ووقوعهم في الأسر بكل سهولة وهروبهم من المواقع العسكرية ولولا أمريكا كان زمانها انتهت.
في عملية طوفان الأقصر اسرائيل تعرت من الداخل وخسارتها في الافراد مش هي مصيبتها لكن الكارثة اللي حلت عليهم هي فضيحتهم في العالم وسقوط قناع الكذب والمبالغة في قدراتهم للعالم وانهم قوى لاتقهر وفي خلال ساعات بقت شوارعها ومستوطناتها مستباحة.
وفي الاقتصاد مكانتش اسرائيل محتاجة اكتر من 20 ساعة عشان تبتدي امبراطوريتها الاقتصادية الوهمية توقع وانهارت عملتها وخسرت المليارات وهربت الشركات العالمية والنتجية النهاردة اسرائيل بتواجه أزمة غذاء والشركات مش عارفة تصرف مرتبات العاملين ولو العملية طولت شوية هنلاقي مظاهرات جوع في كل شوارع الكيان المحتل.
رئيس وزراء الاحتلال لما كلم بايدن قاله كلمة خطيرة جدا ولازم نركز فيها ونفهمها وهي إنه مش هيسيب غزة غير لما يرجع هيبة اسرائيل وطبعا نتيناهو بيسميها هيبة واحنا بنقول عليها كدبة ووهم وخداع صدرته لينا اسرائيل وللعالم على أنها القوة الأكبر في الشرق اقتصاديا وعسكريا وسياسيا والأفضل في كل حاجة، قبل ما تتكشف في يوم 7 أكتوبر إنها سراب وكيان في مهب الريح وأهون من بيت العنبكوت وأضعف من جناح فراشة.