العالم مرعوب وقناة السويس السبب.. ايه الحكاية

ليه العالم كله مرعوب من اللي بيحصل في المنطقة وايه علاقة قناة السويس باللي بيحصل في أسواق المال والأسهم والنفط والدهب والبنوك المركزية الكبيرة وايه الحاجة اللي ممكن تشعل الحرب التجارية بين الغرب والشرق
 

معروف إن أي أزمة عالمية أو بين دولتين أو في أي منطقة بسبب ارتباك في كل الأسواق العالمية أو بتسبب كوارث عالمية زي ما حصل بعد حرب روسيا وأوكرانيا ودا لأن الاقتصاد العالمي والاستثمار والتجارة وأسواق المال والأسهم والشركات مرتبطة ببعضها واي ارتباك في واحدة منهم بتأثر على كل الأسواق زي ماحصل في أزمة روسيا الأخيرة واللي كانت السبب في رفع التضخم العالمي بسبب ارتفاع أسعار السلع والحبوب ودا اثر على أسواق المال وأسهم الشركات وشركات النقل البحري.

نفس الازمة بتحصل دلوقتي بسبب على نطاق أقل لكن ممكن تزيد تبعياتها والكلام هنا على أزمة  الصراع في فلسطين المحتلة ليه بنقول إن لسه الأسواق الدولية ماخدتش الصدمة لأن الدولتين اللي فيهم المشكلة ملهمش تأثير يذكر في التجارة الدولية أو الإنتاج العالمي لكن لو استمر الصراع هنا الاسواق هتدخل على كارثة كبيرة لأن معناه إن فيه احتمال الصراع يوسع ويوصل لدول تانية مجاورة ومهمة جدا في أسواق الطاقة والنفط والغاز وهو الخليج وكمان تأثر قناة السويس أهم ممر تجاري في العالم وبكده ممكن الاسواق العالميه تنهار حرفيا لو أي إمدادات نفط أو غاز وقفت أو حصل حاجة في قناة السويس استدعت مصر أنها تقفلها.

ولو بصينا على التقارير الدولية وتصريحات قادة الأسواق من  مسؤولين وخبراء اقتصاد هنلاقي فيه مخاوف كبيرة من تداعيات على الأسواق، ودا هيزيد لو الصراع طول زي ماقلنا

وحسب التقارير فيه حالة عدم اليقين السياسي في أنحاء الشرق الأوسط في أعقاب اندلاع الاشتباكات، الضغوط على محافظي البنوك المركزية من مكافحة من اتجاهات تضخمية جديدة والتضخم هو المشكلة الاخطر  بالنسبة للبنوك المركزية لانه من المحتمل أن يؤدي الوضع الحالي لتفاقم ارتفاع الأسعار، ودا لأن المنطقة هي موطن منتجي النفط زي المملكة العربية السعودية ولممرات الشحن الرئيسية عبر خليج السويس وهي قناة السويس المصرية.

كبير الاقتصاديين في شركة "III Capital Management"، كريم بسطة، شايفين، إن الحرب بتشكل خطر على ارتفاع أسعار النفط، ومخاطر على كل من التضخم وتوقعات النمو ودا هيخلي  الاحتياطي الفيدرالي في حيرة من أمره أما "سيتي جروب" في شايفة إن  التوترات بين غزة وإسرائيل هيكون لها تأثير طويل الأمد على أسواق النفط.العملات المشفرة والدهب واللي حقق مكاسب كبيرة بفضل الإقبال عليه للتحوط من تطورات الأوضاع واللي ممكن في أي لحظة تخرج عن السيطرة.
من التقارير الدولية والأسواق العالمية بتكتشف حاجة مهمة جدا بعيدا عن اللي ممكن يحصل وهي إن العرب قوة اقتصادية كبيرة ومعاهم مفاتيح التجارة الدولية ومهيمنيين على أسواق الطاقة في العالم ودا بيخلينا نفكر اكتر من مرة في إدارة الصراعات عالميا بشكل أفضل لخدمة المصالح العربية وخاصة لفلسطين والشعب الفلسطينى.