ملعقة واحدة هتغير حياتك 360 درجة.. لو عندك تليفزيون أو عملة قديمة وبعتهم هاتبقى مليونير
تخيل كدا.. عندك تليفزيون قديم راكنه في أي جنب أو عملة قديمة أو حتى المعلقة اللي مرسوم عليها سنبلة وجيت بعتهم.. هاتكسب قد اية.
فاكر زمان لما تلاقي الراجل بتاع الخردة يعدي من تحت البيت ويقول «اللي عنده أي حاجة قديمة للبيع» وتنزل أنت جري تديله تليفزيون أو معالق أو حديد أو نحاس وتاخد قصادهم مبالغ قليلة.
نحب نقولك بقى إن الراجل دا.. أغنى مني ومنك دلوقتي.. ودا علشان الخردة القديمة دي.. بقى سعرها غااااالي اوي.
في سوق القديم كله غالي.. وطول ما كانت الحاجة قديمة اوي فأعرف على طول أن سعرها عالي اوي.
دلوقتي تقدر تبقى مليونير.. لو معاك عملات قديمة.. ودا لأن سوقها بقى بيشهد إقبال متزايد من جانب العديد من الأشخاص سواء على بيع أو شراء العملات القديمة، واللي بقت بتعتبر نوع من أنواع التجارة الأكثر شيوعاً في جميع أنحاء الوطن العربي، وبتحقق التجارة دي أرباح هائلة.
ومن العملات اللي عليها تركيز كبير اوي هي تحديداً جميع العملات اللي صدرت في عهد الملك فاروق واللي بيختلف سعر كل عملة حسب ندرتها وحالتها، خاصة أن العملات الورقية القديمة اللي بتعتبر الأغلى، بسبب قلة وجودها.
أنت عارف إن عملة الشلن الورقي اللي مدون عليها الدولة المصرية، واللي صدرت في السنة الأخيرة في عصر الملك فاروق، سعره دلوقتي بيصل إلى 40 ألف جنيه حسب حالتها، وكمان عملة البريزة المكتوب عليه نفس الكلمة دلوقتي بيبلغ سعرها حوالي 40 ألف جنيه.
وبالنسبة لعملة "ريال السلطان فؤاد" فدي ارتفع سعرها في الفترة الأخيرة واللي وصلت ل 80 ألف جنيه، وبيشترط أن يكون تاريخ أصدرها 1920 ومكتوب عليها اسم "السلطان فؤاد".
خد التقيلة بقى.. أنت عارف إن عملة النصف الجنيه القديم اللي كان بيظهر عليه صورة أبو الهول في المنتصف، أو كان عليها صورة أبو الهول على اليسار، بتعتبر الأغلى في أسواق العملات القديمة حاليًا.. واللي قيمتها بتصل ل ١٠٠ ألف جنيه.
عايز تستفيد من الفلوس القديمة اللي معاك.. كل اللي عليك أنك تروح بس محيط منطقة وسط البلد في القاهرة وتحديدا شارع عماد الدين، والألفي، وخان الخليلي.. أو تروح الاسكندرية في محلات كتير اوي هناك.. خاصة شارع خالد بن الوليد، ومنطقتي المنشية والعطارين، ومحطة الرمل.
المفاجأة بقى في المعلقة السنبلة.. المعلقة يا سيدي اللي كان مرسوم عليها سنبلة القمح دي.
أنا عارف المعلقة اللي كنا بنشتري منها التلاتة بجنيه.. دلوقتي الواحدة منهم بكام.. وصل ١٢٠ ألف جنيه.
ودي علشان هي بتعتبر إحدى أقدم أنواع الملاعق اللي تم استخدامها داخل مصر، وهي بتتميز بوجود رسمة سنبلة القمح عليها، وسعرها بقى عالي اوي كدا علشان وجودها بقى نادر اوي
في حاجة كمان في حالة أنك لا معاك فلوس قديمة ولا الملعقة السنبلة.. وهو التليفزيون القديم واللى بيحتوي على مكونات إلكترونية قيمة وثمينة، واللي ممكن الاستفادة من المكونات دي بشكل جيد مثل اللوحة الإلكترونية والمكثفات والمقاومات.
والناس اللي عندها معرفة وخبرة كبيرة في أساسيات الإلكترونيات تقدر تستخدم المكونات در في المشاريع صغيرة أو إصلاح أجهزة أخرى.
سعر التليفزيون دا ممكن يوصل ل ١٥٠ ألف و٢٠٠ ألف كمان.. دور بقى على الخردة اللي عندك علشان تبيعهم.
