إنتاج 322 ألف أونصة خلال 9 شهور.. دهب السكري بيروح فين

مصر بلد الفراعنة والدهب وأول دولة في العالم اكشتفته واستخرجته وعرفت سر تنقيته وصناعته ولسه مناجم الدهب اللي اكشتفها المصريين في قلب الصحراء موجودة لغاية دلوقتي.

منجم السكري من أكبر مناجم الدهب في مصر وكان اكتشافه نقطة تحول في خريطة التعدين في مصر وبدأت استثمارات تانية للتنقيب والكشف عن المعادن النفيسة.

ونرجع لمنجم السكري واللي أعلنت سنتامين للتعدين وهي الشركة اللي معاها امتياز التشغيل النهاردة عن معدلات الإنتاج في المنجم وقالت إنه تم إنتاج 322 ألف أونصة من الدهب خلال التسعة شهور الأولى من 2023.

وقالت الشركة المدرجة في بورصة لندن إنها حققت إيرادات 200.4 مليون دولار خلال الربع التالت من العام الجاري من بيع 103 آلاف و807 أونصات بمتوسط سعر فعلي 1927 دولارا للأونصة، في حين بلغ الإنفاق الرأسمالي 59.1 مليون دولار.

وأوضحت سنتامين، واللي بيشكل منجم السكري نشاطها الرئيسي، إن التكلفة النقدية للإنتاج تبلغ 882 دولارا للأونصة، بينما تبلغ تكلفة الإنتاج لاستمرار العمليات 1226 دولارا للأونصة المباعة في الربع التالي.
وبخصوص احتياطي الدهب في منجم السكري فحسب أرقام الشركة بتبلغ حوالي 20 مليار دولار – وفقا للأسعار العالمية واللي بترتفع  في الغالب حسب الظروف العالمية.

وأضاف التقرير إن الاحتياطيات زادت للسنة التانية على التوالي، بعد ما ارتفعت بنسبة 13% مقارنة ببيانات 2021، واللي سجلت 9.8 مليون أوقية.