مصر بدأت تلعب مع الكبار.. السيسي يوجه رسالة مخيفة للي بيلعبوا بالنار
مصر بلد مش محتاج يلعب مع الكبار ولا الصغار لأن مصر أصلا طول عمرها دولة كبيرة وعظيمة وجت قبل التاريخ بزمان وهي اللي اخترعت الحكومات والوزارات والحساب والفن والفلك وأول دولة تركب البحر وتصنع سفن تجارية وهي اللي اخترعت أقدم نظم التبادل التجاري.. لكن الظروف التاريخية الطويلة كانت سبب أن مصر تتعثر إقتصاديا واجتماعياً وتتخلف في وقت العالم بيتقدم لكن بقت مصر عريقة وعمرها ما تخلت عن فكرة أنها دولة كبيرة ماينفعش تكون غير قوى عظمي وحديثة ومتقدمة وبدأت مع السيسي تحقق الحلم في عودتها لمكانتها الطبيعية رغم الصعوبات ورغم التآمر والتشويه ومخططات كتير مصر بقت مع الكبار والنهاردة بتعيد بناء نفسها عشان ترجع لمكانها الطبيعي في صدارة الدول المتقدمة.. ايه اللي حصل في الصين نهاردة وازاي الرئيس السيسي قدر يخلي مصر لاعب رئيسي في التجارة الدولية وايه الرسالة الخفية لأمريكا وأوروبا.
معروف ان مصر والصين من أقدم دول العالم وكان ليهم خطوط تجارة دولية في الزمن القديم من الشرق للغرب ومن الجنوب للشمال والعلاقة بين البلدين قديمة جدا وفيها خصوصية خاصة إن مصر أول دولة كانت تعترف بالصين الشعبية وفيه تعاون كبير بين الدولتين يصل لمرحلة التعاون الاستراتيجي كده والصين رحبت بمصر في بريكس ودعمت الاستثمار فيها وكمان في مبادرة الحزام والطريق والموضوع خد شكل تاني من التعاون العابر للقارات وتأثيره على موازين القوى الاقتصادية في الشرق الأوسط لأن مصر رقم مهم جدا في خطة التنين الصيني للانتشار كقوة اقتصادية عالمية في المنطقة وافريقيا وإن مصر شريك استراتيجي.
النهاردة الدكتور مصطفى مدبولي، رئيس مجلس الوزراء، كان في العاصمة الصينية بكين وشهد مراسم توقيع 4 اتفاقيات جديدة للمنطقة الاقتصادية لقناة السويس مع المطور الصناعي الصيني (تيدا – مصر)، بالمنطقة الصناعية بالسخنة، على هامش المشاركة المصرية رفيعة المستوى في أعمال الدورة الثالثة لمنتدى الحزام والطريق للتعاون الدولي نيابة عن الرئيس عبد الفتاح السيسي، رئيس الجمهورية وخلي بالك دي مش اي اتفاقيات ولا صفقات دي مدن صناعية كاملة بمليارات الدولارات يعني الشغل التقيل اشتغل في المنطقة ومثلا من بين الاتفاقات إقامة منطقة صناعية إضافية بالمنطقة الصناعية بالسخنة، لتضاف إلى مساحة منطقة تيدا- مصر، والتي تخطت إجمالي الاستثمارات فيها حاجز الـ2 مليار دولار.
ودت غير اتفاقيات تانية لإقامة مشروعات عملاقة واستراتيجية خاصة في مجال الصناعات الهامة واللي هتفرق جدا في مرحلة الانطلاقة المصرية الجديدة والتوسع في توطين الصناعات المتقدمة والمتطورة وبشكل كبير وغير مسبوق وتحويل منطقة قناة السويس الاقتصادية لمركز عالمي للصناعة والتجارة والتبادل التجاري حول العالم بسبب عبقرية المكان والفرص الكبيرة في الاقتصاد المصري واللي هيكون اقوى اقتصاد في المنطقة رغم كل الصعوبات والتحديات وإن مصر بتتحرك فعلا على أرض الواقع ومش بتبص وراها.
عظمة الدولة المصرية دلوقتي في انها مش بتخاف ولا بتبص وراها ولا بتفكر بأسلوب قديم عفى عنه الزمن دلوقتي مصر بين الكبار وبتشتغل بفكر جديد محوره التنمية والتقدم باي شكل وفي اي تحالف وأهم حاجة مصلحتها فين ودي الرسالة اللي مدبولي بعتها النهاردة نيابة عن الرئيس السيسي وهي إن مصر في الوقت اللي الناس تفتكر عندها خطر بيهدد أمن قومي على حدودها ومؤامرة لسرقة سيناء بتروح الصين توقع اتفاقيات بمليارات الدولارات عشان تعمل شكل وتحالف جديد للشرق الأوسط واللي مصر هتشكله مش اي دولة تانية في العالم ورسالة إن مصر محدش يقدر يجي ناحية حدودها وطبعا هما عارفين قدرة الردع اللي عند المصريين ودا بيفمرنا بكلمة السيسي التقي محدش يقدر ياكل لقمته ومصر بقت أعفى دولة في المنطقة.
