كيف قضى السيسي نهائيا على ألم المصريين المزمن؟

في أقل من ٩ سنوات.. السيسي خلص على مرض مزمن بقاله سنين..ازاي الدولة نجحت عبور أهم تحدي لها يلا نعرف الحكاية

لو أنت مش عارف.. فإحنا دورنا هنا نقولك أن مصر كانت واحدة من الدول اللي كانت صاحبة أعلى معدل لانتشار التهاب الكبد الوبائي "سي" عالمياً، لكن دلوقتي   نسبة الإصابة بالفيروس فيها بقت أقل من 0.38 في المئة، ودي نسبة أقل من المعدلات العالمية، علشان تكون هي الأولى عالمياً في القضاء على  الفيروس اللي موت ملايين المصريين وأسرهم على مدار سنوات طويلة.

لكن الرحلة من أكثر الدول تضررا من فيروس سي لدولة خالية من فيروس سي.. طويلة وعامرة بالتحديات..

البداية كانت سنة 2014،  لما  أطلقت مصر بتوجيه من الرئيس السيسي حملة قومية للقضاء على التهاب الكبد المعروف بـفيروس "سي"، ودا بعد ما تم وضع الخطة واتعملت التجهيزات اللازمة . وبعدين تم البدء في التنفيذ في 2018، ودا في إطار برنامج "100 مليون صحة".

وخلال حملة "100 مليون صحة" كان بيتم الكشف عن المصابين، وعلاجهم على نفقة الدولة، ودا بعد توفير العقار المخصص لعلاج فيروس "سي"، وبعدين كل شخص كان بياخد  شهادة تفيد بخلو الأشخاص من المرض، أو حملهم له، مع متابعتهم وعلاجهم دون تكلفة.

الإنجاز دا عمره ما كان هايتحقق لولا التزام كامل من مصر بشأن توفير كل الأدوات اللازمة.. ودا اللي أكد عليه مدير منظمة الصحة العالمية، واللي قال في تصريحات سابقة إن  الإنجاز دا عمره ما هايتحقق بدون التزام كامل من مصر تجاه الملف دا، واللي اعتمدت على تخطيط سليم وعمل جدي، من خلال مبادرة رئاسية للقضاء على فيروس سي.

هل تعلم عزيزي المواطن أنه تم فحص اكتر من ٦٠ مليون شخص في مصر خلال سبعة أشهر بس من إطلاق الحملة.. 
وفي نفس الوقت تم علاج أكتر من أربعة ملايين مصاب بالفيروس في وقت قياسي.

قبل تاريخ ٢٠١٤.. كان في ناس كتير اوي توفاها الله بسبب الفيروس دا.. وكان بيوصل لمرحلة متقدمة والمريض ما يعرفش.

وعلشان كدا.. الدولة عملت في كل قرية في كل نجع في كل مدينة مكان مخصص لفحص الإصابة بفيروس سي.. حتى إن شركة "مترو الأنفاق"، كانت أعلنت تخصيص 28 محطة بالمترو، للمشاركة ضمن المبادرة الرئاسية "100 مليون صحة" للكشف عن فيروس "سي" والأمراض المعدية، وكان بيتم التنويه في إذاعات المترو الداخلية، عن أماكن المحطات المتواجد بها حملة الكشف عن الأمراض المعدية.

أكبر مشكلة كانت بتواجه المصابين بفيروس سي هو أنهم ماكنش معاهم فلوس العلاج والأدوية الغالية

لكن لما مصر قدرت تصنع العلاج جوه أرضها مابخلتش على ولادها.. وكان بيتم توجيه المرضى للمراكز الطبية والمتخصصة..  وهناك كان بيخضعوا لفحص أكبر دون تكلفة، وكمان ياخدوا  الأدوية اللازمة،  ودا كله مجانا.

والنهاردة بنعيش عصر جديد من غير المرض اللي غلب الشعب المصري وموت الآلاف .. وتسبب في إصابة قرابة 70 مليون شخص حول العالم، وبحمدلله أصبح طريق القضاء عليه ممهد..  ومصر أعادت كتابة التاريخ في ما يتعلق بالقضاء على ذلك المرض".