أعرف مع بانكير مشروع قانون تيسيرات استيراد سيارات المصريين بالخارج ؟

لو أنت من المصريين العاملين في الخارج ومحتاج تستفاد من التيسيرات اللي بتقدمها الحكومة للمصريين في الخارج، لو حابب تستورد عربية للاستخدام الشخصي من غير تكاليف جمركية كتير وأرقام كبيرة .. هنقولك الحل.

في الأسبوع اللى فات وافق مجلس النواب على مشروع قانون مقدم من الحكومة لتقديم بعض التيسيرات للمصريين في الخارج في استيراد السيارات للمصريين، إيه اللي حصل وإيه اللي هيضيفه المشروع وإيه شروط الإستفادة وتكلفة الضرائب والرسوم المستحقة على الاستيراد ؟

مشروع القانون المصري بيمنح اللي عنده إقامة قانونية سارية فى الخارج ومستأفدش من التيسيرات الواردة بالقانون رقم 161 لسنة 2022 بمنح بعض التيسيرات للمصريين بالخارج ولكن بشروط معينة.

الشروط دي بتتمثل في أنه يسدد المبلغ المستحق بالعملة الأجنبية خلال 3 شهور كمان بيتم الإعفاء من الضرائب الجمركية  والرسوم على استيراد سيارة واحدة للاستعمال الشخصي لكل مصري مقيم بالخارج، مقابـل سـداد مبلغ بالعملة الأجنبية ودا بيحول من الخارج لصالح وزارة المالية على حساب مصرفي وكمان بيشترط في السيارات اللي هيتم استيرادها ألا يزيد عمرها وقت الإفراج على 3 سنين من سنة الصنع.