إيه اللي بيحصل في سوق الذهب عالميًا وعلاقته بالحرب وسعره وصل كام ؟ هنقولك في بانكير

إيه اللي بيحصل في سوق الذهب عالميًا وإيه أهم أسباب ارتفاع سعر الذهب وهل هيحدث هبوط في الأسعار الأيام اللي جاية ولا العكس كل دا هنقولكم عليه هنا في بانكير.

أسعار الذهب العالمية بتشهد ارتفاعات كبيرة ومتتالية فى الكام يوم الأخيرة بعد عملية طوفان الأقصى اللي قامت بيها حماس ضد الإسرائيلين .. طيب إيه علاقة الذهب بالحرب ؟

قولنا هنا قبل كدا أن أسعار الذهب وحركته بتخضع للعرض والطلب ودا اللي بيحصل في الحرب بمعني ان سعر الذهب أرتفع عالميا بعد زيادة الطلب عليه من بداية الحرب باعتباره ملاذ آمن وسط تزايد المخاوف من تصاعد وتيرة الحرب في منطقة الشرق الأوسط وتطور طوفان الأقصى وحركات المقاومة ضد للاسرائيليين.

ووصلت أسعار الذهب العالمية لاعلى مستوياتها من أسبوعين وتجاوزت مستوى الـ1900 دولار للأوقية، انهاردة الخميس، دا طبعا بالتزامن مع انخفاض الدولار وعائدات سندات الخزانة قبل تقرير التضخم الأمريكي.

وارتفعت العقود الآجلة للذهب بنسبة 0.4% إلى 1895 دولار للأوقية، وكمان صعدت العقود الفورية للذهب بنسبة 0.41% إلى 1882 دولار للأوقية، وتراجع مؤشر الدولار بنسبة 0.22% إلى 105.337 نقطة.