مفيش مؤشر جنيه.. سقطة المصدر المسؤول تكشف
في عرف الاقتصاد ولأنه بيتعامل بالأرقام والمؤشرات وبعيد عن الاجتهادات أي تصريح لمسئول وخاصة لو بيهم دولة معينة وبيحدد مصير عملتها مفيش حاجة اسمها صرح مصدر مسئول ودي عادة غالبا بتلجأ ليها وسائل الاعلام ووكالات الانباء عشان تمرر أي تقرير أو خبر مشبوه وتنسبه لمصدر شبح عشان الناس تصدقه.
ودا اللي عملته وكالة بلومبرج في الساعات الأخيرة لما نسبت تصريح خطير وحساس على لسان مصدر مصري رسمي مسئول واللي نفي ووجود اي خطط لدى الحكومة لربط الجنيه بالعملات العالمية الاساسية والمعروف باسم مؤشر الجنيه وطبعا مقلش اسم المصدر لسبب بسيط جدا وهو إنه مفيش مصدر والموضوع كله تلفيق والمقصود بيه اثارة الجدل وانعاش السوق السودا للدولار لأن الأسواق كلها مستنية صدور المؤشر من البنك المركزي عشان الجنيه يتداول بسعره الحقيقي واللي كتير من الخبراء قالوا إنه مقوم بأقل من سعره بكتير أمام العملات التانية.
وزي ما احنا فاهمين مؤشر الجنيه دا موضوع خطير والمركزي شغال عليه من شهور طويلة وجولة حسن عبد الله محافظ البنك الاخيرة في الامارت والصين كانت تمهيد لاطلاق مؤشر الجنيه، واللي طلعت تصريخات رسمية من محافظ المركزي باطلاقه في اقرب وقت ممكن يبقي ازاي مفيش مؤشر جنيه زي ما قالت بلومبرج ومصدرها الشبح.
ونفكركم إن محافظ البنك المركزي، حسن عبدالله، أعلن في أكتوبر الماضي عن استهداف المركزي إطلاق مؤشر خاص بالجنيه يضم سلة من العملات الدولية والذهب.
وأشار محافظ المركزي إلى أن الربط بين الجنيه والدولار هو أمر خاطئ خاصة أن الولايات المتحدة الأميركية ليست الشريك التجاري الأساسي لمصر، مؤكدا أنه يجب تغيير الثقافة بأن الجنيه مرتبط بالدولار والتركيز فقط على تراجع الجنيه مقابل الدولار.
