ليلة صعبة في الرئاسة.. ومفاجأة مدوية من الحكومة.. ومهمة سرية لمدبولي.. وضربة مصرية لصندوق النقد

متابعينا الكرام على كل منصات بانكير أهلا وسهلا بيكم وجولة جديدة على رأس الساعة، وملخص لأهم الأحداث والتحليلات والمعلومات اللي قدمتها وحدة الأبحاث والتقارير في بانكير النهاردة الاثنين 9 أكتوبر 2023 لمشاهديه الكرام على كل منصات سوشيال ميديا.

النهاردة منصات بانكير عرضت تقارير مهمة جدا بخصوص الاوضاع الاقتصادية في مصر وقرارات الحكومة.. وكان أهمها للمواطن هو تصريحات الدكتور مطصفي مدبولي النهاردة واللي عمل مؤتمر صحفي للاعلان عن اجراءات كتير للمرحة الجاية ومنها مبادرة تخفيض أسعار ٧ سلع أساسية وهي السكر والزيت والفول والعدس والألبان والجبن والمكرونة.
طبعا تصريحات مدبولي عن تخفيض اسعار السلع اللي قلنا عليها دي حاز على اهتمام ومتابعة كل المواطنين في مصر ورحبوا بيها جدا ودا لأن السلع دي ضرورية جدا في كل بيت مصري ومفيش أسرة تقتدر تستغنى عنها خاصة في موسم المدارس .. لكن المواطنين طالبو مدبولي إن الحكومة تتابع الاسعار بعد تطبيق التخفيضات لأن فيه تجار كتير بيرفعوا الأسعار براحتهم وأكدوا إن التنفيذ هو اصعب مرحلة في المبادرة.
الاسعار حسب تصريحات مدبولي هتتراوح بين 15 ألى 25% على حسب السلع وهتكون تخفيضات حقيقية والتجار هيلتزموا بيها والبنك المركزي دخل طرف في الموضوع عشان يوفر للمستوردين والشركات الدولار بالسعر الرسميي عشان مايبقاش في حجة إن الدولار هو سبب ارتفاع الاسعار.
 

التقارير التاني اللي عرضته منصات بانكير بخصوص تفاصيل ليلة مصيرية في قصر الرئاسة المصري وبنقول مصيرية لأن فيها كان بيتحدد مصير المنطقة دي.
وطبعا هنا بنقصد الاحداث اللي حصلت في فلسطين والاجتياح البطولي لرجال المقاومة الفلسطينية لاراضيهم المحتلة ومع المعلومات الأولية اللي كشفت حجم العملية الضخم أبلغت الجهات المختصة الرئيس السيسي بتفاصيل اللي بيحصل على الحدود المصرية في الشمال الشرقي وكلنا شفنا الرئيس السيسي وهوبيتابع الأحداث من غرفة إدارة الأزمات بالمقر الاستراتيجي في العاصمة الادارية.
وللعلم مصر قبل الأحداث كانت بتقود حملة كبيرة لإعادة إعمار غزة والوضع دلوقتي بقي صعب مع اتساع دائرة القصف وتدمير اجزاء من القطاع في ردة الفعل الإسرائيلية الانتقامية
الرئيس السيسي بيتابع ليل نهار اللي بيحصل على الحدود الشمالية لمصر وطبعا أصدر تعليمات للتعامل مع أي مستجدات وشفنا كلنا عشرات من سيارات الإسعاف المصرية اللي تمركزت بالقرب من الحدود لتقديم المساعدة للفلسطنيين بالإضافة لتجهيز المستشفيات ومدها وتزويدها بالاطباء والأدوية وغرف العمليات.

منصات بانكير عرضت تقارير مهم عن انتصار العرب في أكتوبر73 ويظهر كده إن أكتوبر هيكون كله شهر انتصارات بعد اللي حصل يوم السبت في المنطقة.

والتقرير ركز تحديدا على تاريخ 15 أكتوبر ١٩٧٣ واللي بيعتبر تاريخ  محفور في أذهان كتير من اللي عاشو الفترة الزمنية دي، لأنه ارتبط بأكبر أزمة اقتصادية عاشتها الولايات المتحدة الأميركية وعدد من الدول الغربية وأخرى ممن أعلنت تأييدها لإسرائيل في حربها ضد العرب.

ودا بعد ما قرر العاهل السعودي الملك فيصل بن عبدالعزيز قطع إمدادات النفط من قبل الدول العربية الأعضاء في منظمة "أوبك" واللي عرفت تاريخياً بـ"صدمة النفط الأولى" ودي كانت أول مرة العرب يستخدموا سلاح النفط في مواجهة الدول اللي بتساند الصهاينة.
ورغم إن قرار حظر تصدير البترول العربي للدول دي كان قرار عروبي وقومي لمساندة القضية العربية لكن الدول المنتجة للبترول بعدها اتفتحت لها طاقة القدر وكفاية إن الحكومة السعودية خدت 25% من حصة أرامكو من شركات امريكية برخصة تراب بعد هروب الشركات الأجنبية والنهاردة أرامكوا أكبر واغنى شركة في العالم،... وبعد دا كله عرف العالم ارتفاع اسعار البترول وحقتت الدول النفطية العربية مكاسب بمليارات الدولارات من ساعتها ولغاية دلوقتي بفضل قرارات العرب في أكتوبر 73

ـ

وحدة تقارير بانكير قدمت تقرير مهم عن مهمة مدبولي الصعبة لاستعادةة 10 مليار دولار فقدتهم البنوك المصرية خلال سنة.

الحاكية بترجع لصدور تقرير البنك البنك المركزي المصري في الايام اللي عدت واللي كشف تراجع تحويلات المصريين العاملين في الخارج في العام المالي الماضي، إلى 22.1 مليار دولار، مقابل 31.9 مليار دولار في العام المالي السابق يعني الدولة خسرت 10 مليار دولار مش هيعدوا على البنوك.
طبعا كلنا عارفين إن الـ10 مليار دولار اللي نقصوا من تحويلات المصريين راحت فين والشبكة السرية اللي بتشتري الدولار بالسعر الغالي من المصريين في الخارج عشان يزودوا الأزمة اللي في مصر.
عشان كده الدكتور مصطفي مدبولي عقد اجتماع مهم النهاردة لبحث ازاي الحكومة تقدر تسترجع المبالغ اللي نقصت من تحويلات المصريين وقال إن فيه قرارات واجراءات بمزايا كبيرة وغير مسبوقة للمصريين عشان يستثمروا فيها الدولارات بتاعتهم ودا غير شهادت الادخار الدولارية اللي الدولة عملتها قبل كده، وسبق وعملت الدولة مبادرة السيارات للمغتربين ودخول الدهب من غير جمارك وشراء أراضي وعقارات في اماكن مميزة بالدولار وواضح إن الايام الجاية في مبادرات جديدة هتكون بمزايا غير مسبوقة للمغتربين. 
ـ

التقرير الأخير معانا في لايف النهاردة بخصوص الصراع مع صندوق النقد الدولي واللي واضح كده إن مصر رفضت رسميا طلب الصندوق لتعويم الجنيه.. والرسالة كانت واضحة انسوا التعويم لو عازينا نكمل معاكم.

طول مدة المفاوضات بين الحكومة والصندوق واللي فضلت سرية لغاية دلوقتي وكل اللي بيطلع تسريبات بيقول إن الخلافات عميقة بدليل تصريحات مديرة الصندوق اللي طعلت حذرت من تأخر مصر في تحرير سعر الجنيه وكأنها بتحاول تضغط على الحكومة في العلن بعد فشل المفاوضات السرية واجبار مصر على التعويم.

طيب مصر ليه وافقت في الأول على التعويم وبعدين صرفت نظر.. الحقيقة الموضوع بسيط خالص وهو المصلحة فين .. الأول مصر كانت في عرض دولار بعد ظهور الفجوة الدولارية بعد هروب الاستثمارات الساخنة وضغط فواتير الاستيراد والشركات والمصانع، لكن دلوقتي يختلف عن ديسمبر اللي فات والحكومة فاقت والدولار مبقاش في ذروة الازمة وفيه خطوات كتير خدتها الحكومة ولسه في اجراءات تانية للحد من استخدام الدولار في المعاملات التجارية المصرية.
ومصر قدرت توفر مليارات من ترشيد الاستيراد ومن بيع الاصول ومن زيادة حصيلة السياحة والتصدير وقناة السويس والاستثمار المباشر وعملت اتفاقيات مبادلة عملة مع الامارات والصين ودخلت البريكس وهطلع مؤشر الجنيه يعني معندهاش مشكلة ولا عايشة تحت ضغط الصندوق زي ما كان قبل شهور قليلة.