مدبولي في مهمة استعادة 10 مليار دولار تايهين

بيانات البنك البنك المركزي المصري الأخيرة كشفت تراجع تحويلات المصريين العاملين في الخارج في العام المالي الماضي، إلى 22.1 مليار دولار، مقابل 31.9 مليار دولار في العام المالي السابق يعني الدولة خسرت 10 مليار دولار مش هيعدوا على البنوك
وفيه حاجة مهمة عايزين نشرحها عشان فيه لبس كتير وهي ان الحكومه مش بتاخد التحويلات بتاعة المصريين لأنها دي فلوس المغتربين والعمال لكن بتستفاد بس انها بتمررها في النظام المصرفي وبيان التحويلات من خلالها وبكده تضمن حصيلة دولارية في البنوك الرسمية واللي باستخدم في استيراد طلبات الدولة الرىيسية زي السلع الاستراتيجية.

طبعا بردو كلنا عارفين ال10 مليار دولار اللي نقصوا من تحويلات المصريين راحت فين والشبكة السرية اللي بتشتري الدولار بالسعر الغالي من المصريين في الخارج عشان يزودوا الأزمة اللي في مصر.

وطبعا الحكومة مش هتسيب 10 مليار دولار يروحوا كده في ايد تجار العملة والمضاربين وأعداء البلد وأهل الشر واتحركت فورا والدكتور مصطفى مدبولي، رئيس الوزراء،  عقد اجتماع طارئ لمتابعة موقف المبادرات الخاصة بإتاحة المزيد من التيسيرات والمحفزات للمصريين بالخارج، بحضور حسن عبدالله، محافظ البنك المركزي، والدكتورة هالة السعيد، وزيرة التخطيط والتنمية الاقتصادية، والسفيرة سها جندي، وزيرة الدولة للهجرة وشئون المصريين بالخارج، والفريق أسامة ربيع، رئيس هيئة قناة السويس، وأحمد كجوك، نائب وزير المالية للسياسات المالية، ومسئولي عدد من الوزارات المعنية.

المهم الاجتماع خلص على أن الحكومة هتطلق مبادرات تانية قوية هتشمل تيسيرات ومحفزات لأبناء مصر بالخارج، عشان دولاراتهم متروحش بره.