عمرك فكرت مين الجد الكبير لـ الجنيه المصري.. مفاجأة أول فلوس في التاريخ

 كتير فاكرين إن الجنيه المصري هو أول عملة مصرية وطنية بعيد عن العملات اللي صكها الحكام العرب والمسلمين والرومان اللي تتابعوا على حكم مصر لكن اللي ناس كتير مايعرفوش إن مصر كان عندها أقدم عملة في التاريخ البشري.. تعالوا نشوف اول الحكايه 
النوب نفر أو نقود تاخوس ودي أول عملة فرعونية تم صكها بواسطة بشر في التاريخ وتحديدا سنة  350 قبل الميلاد باسم الملك أو الفرعون المصري تيوس وأطلق عليه المصريين زي عادتهم اسم تاني وهو  نقود تاخوس واللي بيعتبر الجد الأصلي للجنيه المصري لانه عملة مصرية خالصة.

وللتاريخ الفلوس في مصر ضربت في عهد الأسرة التلاتين ودا لأن الحضارة المصرية كانت متمسكة بتقاليدها العريقة في اتباع نظام المقايضة بالحبوب والبيض والماشية والمنتجات اليدوية وخلافه، لكن تحت ضغط الظروف السياسية تم صك العملة باسم الملك أو الفرعون المصرى «تاخوس» وقتها وسموها «النوب نفر» وكان معناها الدهب الجيد أو الخالص وتعتبر من العملات النادرة جدًا وفيه منها  حوالي عشرين قطعة بس على مستوى العالم، وهي العملات الوحيدة التي تم اكتشافها حتى الآن وتحمل كتابات مصرية قديمة.

واتقالت اكتر من رواية عن سبب صك العملة وهي إن  الملك تاخوس جلب عدد من الجنود المرتزقة من اليونان لمحاربة الفرس اللي كانوا جايين يحتلوا مصر ودا خلى الحكومة المصرية وقتها تضرب الفلوس  لدفع أجور جنود اليونان وبعدها صارت العملة الرسمية للبلد لكن في نطاق محدود لأن الشعب فضل نظام المقايضة في البيع والشراء والتجارة..وفي عهد الاسكندر الاكبر استخدم المصريين الفلوس في تعاملاتهم اليومية لأول مرة في التاريخ وكانت العملة في الوقت  دا بتحمل صورة الإسكندر بعد اعتبروه إله زي ما بتقول الروايات التاريخية.
القصد من كلامنا إن الجنيه المصري مجاش من فراغ لأنه ابن نظام مالي هو الاعرق في العالم ودا لأن مصر أول دولة في التاريخ تخترع التجارة والفلوس والحكومة والدواوين والميزانيات والانفاق ونظام الضرايب والصادر والوارد.