ضمن أكبر نظام سكة حديد في العالم.. ماذا فعل السيسي لربط مصر بأوروبا

وصل البحر الأحمر بالمتوسط والأقصر بالغردقة..عمل نظام سكة حديد عالمي وخلى باب التجارة العالمية مفتوح..ماذا فعل السيسي في ٩ سنوات في نظام السكة الحديد.. يلا بينا نعرف

منظومة السكة الحديد في مصر كان ردئ ومتهالك.. ووقت السفر من الجنوب ل الشمال كان صعب وبياخد زمن كبير

لكن دا كله اتغير في ٩ سنوات.. بمشاريع ضخمة ومنظومة سكك حديد متكاملة.

نقل سلاسل الإمداد للمصانع في مصر كان بيواجه صعوبة بالغة.. ونقل الشحنات من الجنوب للشمال كان فيه معاناة.. وحتى حركة المواطنين كان فيها معاناة وبتاخد أيام.

لكن كل دا اتغير خلال التسع سنوات الماضية..  ودا اللي أكد عليه الرئيس التنفيذي لشركة سيمنس "Siemens" رولاند بوش، واللي قال إن مصر هتكون بالمركز السادس كأكبر نظام للسكك الحديدية عالية السرعة بالعالم.

الرئيس التنفيذي لشركة سيمنس "Siemens" رولاند بوش، قال إن المفاوضات مع وزارة النقل المصرية بدأت منذ عدة سنوات وكانت المسافة الأولية تقريبا 400 كم.. لكن خلال المفاوضات،  الرئيس السيسي زود بنفسه المسافة إلى 1000 كم ثم أخيرا إلى 2000 كم لربط البحر المتوسط بالبحر الأحمر وربط الشمال بالجنوب وربط الغردقة بالأقصر".

والمنظومة دي  هاتحط مصر خلال 10 أو 15 عاما من الصفر إلى المركز السادس كأكبر نظام للسكك الحديدية عالية السرعة في العالم ودا اللي أكد عليه الرئيس التنفيذي لشركة سيمنس رولاند بوش.

والصفقة اللي تمت بين مصر وشركة سيمنس بتبلغ  8.1 مليار يورو (حوالي 8.69 مليار دولار).

حد هايسأل عن أهمية وجود منظومة زي دي في السكك الحديدية في مصر

الإجابة هي أن السكك الحديدية بتلعب دور مهم في مسألة التوطن الصناعي، ودا بيبرز  أهميته في مرحلتي الإنتاج والتوزيع .. لأن بالمنظومة دي هاتتوفر فرص لنقل المواد الأولية وكمان نقل الإنتاج إلى مناطق التخزين والاستهلاك.

السكة الحديد بتربط المدن ببعضها البعض في البلد.. ولما تكون المنظومة دي بتصل للبحار زي الأحمر والمتوسط وربط الجنوب بالشمال. هاتكون عملية نقل الإنتاج للموانئ سهل ومن ثم تصديره للخارج.