قناة السويس تكسب.. ضربة مكانتش على البال تدمر مشروع ممر بايدن قبل ما يبدأ
قلنا ولسه هنقول إن قناة السويس المصرية ملهاش بديل بالعقل والجغرافيا وبالأرقام وبالمنطق وبالمسافات ولا ممر بايدن ولا ممرات الشمال والجنوبة البديلة هتقدر تزحزخ مكانتها في الشرق الأوسط.. ايه اللي حصل في الساعات الأخيرة وقتلت ممر بايدن الجديد اللي المفروض يجي من الهند ويروح اوربا قبل مايبتدي وليه قناة السويس هتفضل هي الممر الوحيد الآمن والأقصر في العالم.
مصر دي محروسة وعفية وقوية واللي يجي عليها مايكسبش.. وقالوا ممر بايدن اللي أعلنوا عنه في قمة الشعرين في الهند طريق بديل لقناة السويس وهيقفلها ومفيش مراكي هتعدي فيها والإخوان ركبوا الموجة وهات ياردح على المليارات اللي راحت في تطوير القناة وشق القناة الجديدة، وكله بيتكلم في أي حاجة من غير مايفهم اللي بيدور حواليه.
في عرف الاقتصاد والتجارة العالمية اللي يهم المصنع والمصدر وكمان المستورد إن بضاعته تبقي في أمان خلال رحلة وصولها أو سفرها للأسواق عشان شركات النقل التجاري البحري مايدفعش تأمين يقضم وسطها لأصحاب البضاعة ويهميها كمان إن طريق البضاعة يكون قصير وبيمر على مواني كتير، ودا اللي بيتوفره قناة السويس لجميع أطراف التجارة الدولية وأي كلام عن ممر تاني يمكن يكون بديل ليها عبث.
اشمعنا رجعنل نتكلم نهاردة تاني عن ممر بايدن الجديد..عشان حاجتين الأولى انه تم توقيع مذكرة تفاهم لمشروع السكك الحديدىة في الهند والسعودية والامارات ضمن مشروع الممر ودي مذكرة تمهيدية ولسه مفيش اتفاق نهائي والحاجة التانية واللي ممكن تنهي فكرة المشروع في الاساس اللي حصل نهاردة من أحداث في المنطقة والدولة اللي المفروض هيعدي الممر فيها من أسيا لأوروبا في مرحلة حرب مستمرة ولو الممر دا موجود فعلا دولوقتي كان زمانه اتعرض للتدمير والاستهداف، ودي النقطة اللي بتشغل بال أي حد مهتم بالتجارة إن بضاعته ماتتعرضش لخطر ولأن السيناريو اللي حصل نهاردة في الدولة دي ممكن يحصل في أي وقت طالما مفييش اتفاق سلام ولا حقوق رجعت لأصحابها يبقي مسلسل اندلاع الصراع والحروب هيفضل قائم وبالتالي مشروع ممر بايدن هيفضل تحت الخطر علطول ودا كفيل إن كتير من الأطراف تعيد حساباتها في المشاركة في الممر دا وبكده يبقى المشروع اتولد ميت قبل ما تتحط فيه طوبة واحدة.
