عام الخروج من عنق الزجاجة..ليه 2024 هتكون أصعب سنة على المصريين؟

يا ترى ليه السنة الجاية هتكون من أصعب السنين على المصريين ؟ وليه مؤسسات التمويل الدولية بتتوقع فيها تخفيض قيمة الجنيه وصعود جديد للدولار فى البنوك والسوق الرسمية للصرف؟ وايه الالتزامات اللى مصر لازم تسددها فى 2024 ؟ وهل لو عدت السنة الجاية على خير مصر هتكون عبرت مرحلة عنق الزجاجة واقتصادها ينطلق من جديد؟ وهل تعود الاستثمارات الأجنبية المباشرة في المشروعات اللي هتطلقها الحكومة الفترة الجاية؟ 
 

خلاص شهور قليلة وهتبدأ سنة جديدة.. سنة كل التقارير والبيانات اللى طالعة من مؤسسات التمويل ومراكز الأبحاث بتقول انها هتكون صعبة على المصريين واحتمال كبير يكون فيها تخفيض جديد لقيمة الجنيه زي ما المؤسسات دي بتقول .. كمان مصر مطالبة فيها بسداد مجموعة كبيرة من الالتزامات الدولية وده هيمثل ضغط شوية على النقد الأجنبي. 
وكشفت بيانات رسمية حديثة أن قيمة الالتزامات الخارجية المستحقة السداد على الحكومة المصرية بتوصل لحوالى  29.229 مليار دولار خلال العام المقبل.
ووفق تقرير حول الوضع الخارجي للاقتصاد المصري الصادر عن البنك المركزي المصري، بتشمل الالتزامات سداد فوائد بلغت 6.312 مليار دولار، وأقساط ديون تقدر نحو 22.917 مليار دولار.. ومصر مطالبة بدفع نحو 14.595 مليار دولار خلال النص الأول من 2024، ومن المتوقع سداد حوالي 14.634 مليار دولار خلال النص التاني من العام المقبل. 
وهتنخفض الديون الخارجية المستحقة للسداد إلى 19.434 مليار دولار، مقسمة إلى نحو 11.155 مليار دولار خلال النص الأول من 2025، وحوالي 8.28 مليار دولار خلال النص التاني من نفس العام.
وخلال عام 2026، هتصل قيمة الأقساط والفوائد المستحقة للسداد إلى 22.94 مليار دولار، مقسمة إلى 11.458 مليار دولار خلال النص الأول ، و 11.482 مليار دولار خلال النص التاني من 2026.

ووفق البيانات الرسمية الصادرة عن البنك المركزي  ارتفع الدين الخارجي المصري إلى 165.361 مليار دولار بنهاية الربع الأول من العام الحالي، بزيادة قدرها 1.5% أو ما يعادل 2.43 مليار دولار، مقارنةً بالربع الأخير من 2022 لما سجل 162.928 مليار دولار.
وزاد الدين الخارجي المصري بقيمة 7.56 مليار دولار على أساس سنوي مقارنة بنهاية الربع الأول من 2022 وسجلت قيمة الدين الخارجي نحو 157.801 مليار دولار.
وفى المقابل بتشير بيانات البنك المركزي  إلى ارتفاع صافي الاحتياطي النقدي من العملات الأجنبية بنحو 72 مليون  دولار، ليبلغ نحو 34.878 مليار بنهاية شهر يوليو 2023، مقارنة بنحو 34.81 مليار دولار بنهاية شهر يونيو 2023.
ومن أيام قليلة توقع بنك "جولدمان ساكس" ان مصر هتواجه فجوة تمويل متراكمة من النقد الأجنبي تبلغ نحو 11 مليار دولار خلال الـ 5 سنين الجاية بنهاية العام المالي 2027-2028.
البنك الأمريكي قال في تقرير حديث ليه أن متوسط متطلبات التمويل الخارجي لمصر حوال 20 مليار دولار في السنة على مدى ال5 سنين الجاية بحسب تقديرات صندوق النقد الدولي، لكن تقديرات جولدمان ساكس لمتوسط تدفقات التمويل الوافدة خلال نفس الفترة بتصل إلى 18 مليار دولار في السنة.

وفى اخر تقرير للبنك المركزي تقلص عجز صافي الأصول الأجنبية لمصر للشهر التاني على التوالي في أغسطس ، ليصل إلى 25.9 مليار دولار مقارنة بـ 26.3 مليار دولار في الشهر السابق.