أخطر أيام مصر.. النفس الأخير في أزمة الدولار والإرهاب السياسي
مهما كانت الأيام اللي عدت صعبة لكن اللي جاي أخطر بكتير على الدولة ويامصر تواصل وتكمل يا إما لاقدر الله توقف وتوقع.. ايه اللي هيحصل في الأيام الجاية وليه ال3 شهور اللي جايين دول هما الفيصل في مستقبل البلد والناس وايه الصراع الخفي على انتخابات رئاسة الجمهورية وليه السيسي بالذات المقصود والحملات على شخصه بتزيد.
من ساعات الرئيس السيسي طلع واتكلم تقريباً عن كل حاجة في البلد والقديم والجديد وهو بيحكي حكاية وطن ومصر كانت فين وبقت فين واللي اتحقق وبكام واللي وهيكلف الدولة كام ، وتخيل كده وانت بتشوف حجم المشروعات وعددها واللي دخلت في 10 تريليون جنيه لو مكانتش المشروعات دي اتعملت كان البلد فين دلوقتي.. هقول لحضرتك لو مثلا مشروعات الطرق والكباري والمحاور والانفاق مثلا ما تعملتش وفضلت الشبكة القديمة لوحدها كانت البلد وقفت حرفيا مع زيادة السكان والعربات وكانت السيارات هتنام في الشارع ولو متعملتش مشروعات الكهرباء كان زمان مصر غرقانة في الضلمة حرفيا وغيرها من المشروعات زي العاصمة الإدارية وقناة السويس الجديدة وال24 مدينة ذكية والصناعات والزراعة وحياة كريمة وغيرها في كل القطاعات.
طبعا بعد النقلة النوعية اللي عملتها حكومات السيسي على مدار 10 سنين واللي نقلت مصر لحتة تانية في الإقليم بجانب اتساع نفوذها السياسي في المنطقة وقتالها على مصالحها بدأت أطراف كتير تقلق وتخطط إن مصر لاتقب ولا تغرق زي ما قلنا قبل كده واتكملنا عن أعداء مصر في الداخل والخارج، لكن النهاردة البلد دخلت في مرحلة الجد وهتفضل في قلق لغاية ما نوصل للانتخابات الرئاسية في ديسمبر اللي جاي وقبلها طبعا متوقع حدوث أي هزات أو مؤامرات بتقودها قوى الشر ومنافسين إقليمين عشان يحولوا الحدث لفرصة لإثارة الناس وتسخينهم بحملات مركزة جدا وبدانا نلاحظ فعلا أن الحملات دي زادت جدا وطالت الرئيس شخصيا وأسرته الكريمة وبعدها انتشرت فيديوهات مفبركة عن الوضع الاقتصادي واللي بطالب الناس تتحرك وتخرب بلدها.
الرىيس السيسي كان صريح جدا ومسالم مع نفسه امبارح وقال الخيار ليكم يا مصريين وكأنه ردلهم البيعة بتاعتهم من سنين ايام التفويض الشهير من. الشعب للرئيس وطبعا كلام السيسي واضح وصريح وقال ادي اللي عملناه وادي اللي شغالين عليه وليكم الاختيار والانتخابات جاية والملك لله، ودا الحقيقة أربك حسابات ناس كتير وأهل الشر والمتأمرين واللي شافوا كلمة السيسي قوية وفيها ثقة بالنفس غير محدود وكمان في المصريين واللي عمرهم ما خسروا رهانهم على زعيمهم السيسي وهماةدايما كانوا ضهر الرئيس وصهر مصر وعارفين مين اللي شغال مين اللي هيخربها.
مصر كمان مستنية نتائج اقتصادية مهمة جدا بعد مرور ال3 شهور اللي جاية واللي المفروض تكون أزمة الدولار انتهت ومصر خلصت مشروعات عملاقة هتهون عليها الأزمات الاقتصادية العالمية وفيهم بدرو المركزي المصري هيطلق مؤشر الجنيه وهتبادل معاملات تجارية مع دول كتير من أعضاء بريكس بالعملات المحلية بعبدا عن الدولار واللي هيبقى ذكري في دول البريكس.
