مدارس وجامعات ومصدر للطاقة.. الرئيس السيس خلى «السويس» محافظة الأحلام
بعد سنوات من الإهمال.. بقت محافظة الأحلام..خدمات متكاملة وطرق وكباري ومشاريع بالمئات..اية اللي حصل في محافظة السويس.. يلا بينا نعرف
السويس.. اللي كانت بتعاني من نقص في الخدمات المتكاملة من مصالح خدمية حكومية.. ومستشفيات وطرق وكباري.. بقت مختلفة تمامًا دلوقتي.. ودا بعد ما تم تنفيذ مشاريع كتيير جدًا سواء في الصحة أو التعليم أو الطرق والكباري.
ومن أبرز النماذج اللي ممكن نذكرها في الموضوع دا.. هو اللي نفذته الدولة في مشاريع الطاقة والبترول.. زي مشروع طاقة الرياح.. اللي تم تأسيسه بمجمع خليج السويس بقدرة 250 ميجاوات، وبإجمالي استثمارات تصل إلى 4 مليارات جنيه.
دا غير إنشاء محطة جبل عتاقة.. ودا يعتبر مشروع من المشروعات الفريدة، ودا لأن في خمس محطات عالمية من النوع دا.. ومحطة جبل عتاقة بتبلغ طاقته 2400 ميجاوات، يعني طاقته أكبر من السد العالى اللي هو 1600 ميجاوات.
مشروعات الدولة في ملف الطاقة في محافظة السويس كتيرة ومتعددة.. ونقدر نشاور كمان على إنه تم إنشاء 2 توربينه بخارية بقدرة 46 ميجاوات بمجمع الأسمدة الفوسفاتية والمركبة بالعين السخنة.. واللي بتحقق 75٪ من الطاقة الكهربائية اللازمة.
ولو ركزنا عن المشاريع التانية اللي اسستها الدولة في السويس.. هانلاقي كتير اوي تم تنفيذه في ملف الإسكان.. وبالفعل تم تنفيذ 5388 وحدة إسكان اجتماعي بحي عتاقة، ودا كان بتكلفة 838 مليون جنيه.
وفي التعليم.. تم إنشاء وتطوير 23مدرسة بمختلف المراحل التعليمية بمحافظة السويس.. وتم رفع كفاءة وتطوير ٢٣ مدرسة، بطاقة استيعابية تصل إلى ١٨,٠٤٠ ألف طالب وطالبة، واللي بتمثل كافة المراحل التعليمية المختلفة، وبتكلفة إجمالية تبلغ ١٣٥,٧ مليون جنيه، ودا كله خلال الفترة من ٢٠١٤ إلى ٢٠٢٠.
كمان الدولة انشأت جامعة الجلالة الجديدة .. واللي بتتضم 15 كلية بمختلف التخصصات (الهندسة، العلوم الإدارية، الصيدلة والصناعات الدوائية، أكاديمية العلوم، الغذاء والصناعات الغذائية، الفنون، العلوم الإنسانية والاجتماع، الإعلام، الطب، طب الفم والأسنان، العلاج الطبيعي، التمريض، العلوم الطبية المساعدة، كلية العلوم، العمارة).
وجامعة الجلالة بتستوعب 12 ألفًا و750 طالبًا، وبتستهدف آنها تحتل ترتيب عالمي متقدم، وتقدم أبحاث علمية مميزة.. وتكون منافس عالمي، وأنها تكون في يوم من الأيام بيت خبرة لخدمة المجتمع وتطوير الأعمال.
