أخطر عملية إرهاب اقتصادي.. فيديو الطماطم يكشف فضيحة مافيا الإخوان والتجار
مين من مصلحته يخرب البلد دي وليه كمية الغل على المصريين، وايه مخطط الخراب اللي بيتم دلوقتي وجزء منه ظهر بالصوت والصورة وفضح كل اللي بيكرهوا مصر واللي عماهم المكسب والطمع والشيطان في سبيل إنهم يكسبوا ويعملوا ثروات حتي لو من دم الغلابة.
احتكر وخزن البضاعة وغلي السلع على الناس ومش مهم ضمير ومفيش حاجة حرام، أهم حاجة الجنيه يبقي مليون.. دا اللي بيحصل في السوق دلوقتي الموضوع مبقاش اقتصاد وبيع بالحلال لكن للأسف اتحول لاحتكار ومضاربة وخراب وكله بيتسابق عشان يسود عيشة الناس.
فاكرين لما اتكلمنا كتير عن حبس السلع والناس اللي معندهاش ضميرة وعايزة البلد توقع وتولع وقلنا فيهم منهم إخوان مسلمين كتير ومعاهم تجار ومضاربين مايعرفوش ربنا، واللي بيضاربوا في الأسعار ويرفعوا تمن السلع 50 ضعف من غير ما يتحرك ضميرهم، النهاردة فيديو صادم كشف بعض من المؤامرة على البلد دي وقد إيه فيه عصابات وشبكة تجار عايزنها تخرب ويقعدوا على تلها.
الفيديو كشف قيام بعض الأشخاص باعدام أطنان من الطماطم على طريق من الطرق الصحراوي وبيتم التخلص من الطماطم بالقاءها في الصحراء، متخيل حضرتك وصل الأمر بالناس دي إنها تتخلض من مئات الأطنان ودي حمولة واحدة بس اتسربت في فيديو، عشان سعر الطماطم يولع في السوق ويعدي ال50 جنيه وفي وقت الناس مش لاقيه فيه فلوس تشتري الطمطام والبصل والرز والسكر وكل السلع اللي التجار والخونة دول احتكروها وخزنوها عشات سعرها يعلي.
الناس اللي عدمت الطمطاطم في الفيديو لازم تتجاب ويتوجلها تهمة الخيانة العظمى وعشان كمان ينكشف اللي وراهم واللي حرض وخان ويتحاسب حساب قاسي، وكمان لازم الحكومة والأجهزوة الرقابية تشتغل شوية وتشوف الناس دي مين، وأكيد هيطلع وراهم سر كبير أو مؤامرة كاملة على البلد اللي عاوزنها تثور وخلاص ضد الحكومة والدولة والنظام بتصدير الأزمات كل شوية، دول مش تجار دول ارهابيين بس في شخصية تجار وأصحاب مزارع وفكهانية وتجار جملة وتجزئة، الاسم مختلف لكن الهدف واحد وهي خراب مالطة.
زي ما حصل في الطماطم بيحصل في البصل والارز والسكر والسجاير كمان والزيت والمطلوب إن الناس متلاقيش حاجة تشتريه بالأسعار الغالية وبالتالي البديل هيكون الفوضى، ربنا بيحب البلد دي عشان فيديو زي دا يظهر للعلن ويتم كشف المؤامرة بدري ولازم الحساب يكون عسير جدا.
