إلا قناة السويس.. سر تحذير حمد الجاسم لبن سلمان من ممر بايدن

 
 
ايه سر المخاوف اللي بتزيد على قناة السويس وايه لتأثير الحقيقي لممر بايدن البديل وايه سر تحذير رئيس وزراء قطر لدول الخليج من تمويل الممر الجديد ودفاعه الغريب عن قناة السويس المصرية وياترى القناة هتواجه التحديات الجديدة ازاي.. كل ده هنعرفه بعد الفاصل خليكم معانا 
 
كتير من خبراء الاقتصاد في العالم وفي مصر شافوا إن إعلان السعوديه عن مشروع ممر بايدن الجديد للتجارة الدولية واللي هيبدأ من الهند لغاية ما يوصل أوروبا مروا بميناء حيفا الإسرائيلي على مرحلتين خطر مباشر على قناه السويس المصرية رغم التأكيدات إنه مفيش اي طريق ممكن تكون بديلة لقناة السويس بسبب عوامل الأمان والسرعة وقصر المسافة وتحميل السفن لملايين الأطنان من البضايع والمنتجات واللي بتحتاج لنقلها آلاف القطارات في الخطوط التانية.

ليه مفيش اي ممر ممكن ينفاس قناة السويس.. بلغة التجارة العابرة للبحار والمحيطات فيه معايير بتحكم المسألة وبتكون معايير اقتصادية بحتة بمعنى إن المستورد أو المصدر ايا كان يهمه في المقام الأول بضاعته توصل بأمان في أسرع وقت ممكن وبالكمية اللي هو عاوزها من غير حد أقصي ودا كله متوفر في قناة السويس ومش موجود ولا هيتوجد في اي ممر بري بديل واللي مستحيل ينافس قناة السويس، بسبب عوامل الخطر الكبيرة اللي يتواجه البضائع واحتمال تلفها في الرحلة اللي تمتد آلاف الكيلومترات بجانب تأثر البضايع بالعوامل البيئية زي المطر أو الصواعق أو للفيضانات في مجرى السكة الحديد ودا بيعرض تجارة المستوردين للخطر والخسارة الأكيدة، كما المستوردين مش هيقدروا ينقلوا بضائع كتيرة بسبب التكلفة العالية جدا للنقل واللي بتنقله السفينة في قناة السويس هيحتاج 300 قطار عشان ينقلها على الأقل دا بجانب تأخر وصول البضايع.

طيب طالما مفيش مقارنة بين قناة السويس وبين خط بايدن الجديد ليه هيعملوه .. السؤال دا جاوب عليه رئيس وزراء قطر الأسبق، الشيخ حمد بن جاسم  وقال إن الخط هدفه سياسي اكتر منه اقتصادي وهدفه دمج مصالح الهند مع مصالح الدول العربية الخليجية.. والحقيقة الشيخ حمد كان ليه رد قوي جدا ومخالف للتوقعات بخصوص إعلان ولي عهد السعودية الأمير محمد بن سلمان عن مشروع ربط الهند بأوروبا عبر الشرق الأوسط وحذر العرب من الاندفاع لتمويل خط بايدن الجديد قبل الدراسة الكافية والمتأنية بدل ما تروح مليارات العرب على مشروع عوامل فشله اكتر من نجاحه.
وقال رئيس وزراء قطر السابق أن العرب والخليج تحديدا مطالب بحماية قناة السويس المصرية باعتبارها قناة عربية وتمثل الأمن القومي العربي وممر استراتيجي لمصر وللعرب عموما وهي أداة قوة للعرب كلها مايصحش تتعرض للخطر في مشروع بديل العرب بيمولوه.

من ناحية تانية قطع الفريق أسامة ربيع رئيس هيئة قناة السويس، الشك باليقين بخصوص ممر بايدن البديل وقال إنه لسه ماتخلقش الممر اللي يهدد القناة  وإن مفيش اي تأثير على القناة من الممر الجديد واللي هيحتاج سنين طويلة عشان يخلص وقال كمان إن مصر القناة بتدرس ملفات لجذب خطوط تجارة دولية جديدة بسبب مميزات قناة السويس اللي مش موجوده في أي خطوط تجارية في العالم.