مفاجأة الفيدرالي المرتقبة.. 24 ساعة على أصعب قرار ينتظره العالم

يا ترى ايه اللى هيحصل بكره في اجتماع الفيدرالي الأمريكي؟ وهل هيتم رفع أسعار الفايدة ولا تثبيتها؟ وايه تأثير ده على الأسواق؟ وهل هيوقف الفيدرالي جنون رفع الفايدة ولا التضخم مش هيديلوا فرصة؟ وازاي الدهب والدولار هيتأثروا بالقرار اللى هيصدر ؟ وايه التوقعات بالنسبة للسنة الجاي؟ 
 
خلاص فاضل حوالى 24 ساعة وهيصدر أهم وأصعب قرار بتنتظره الأسواق والقطاعات المالية في العالم .. والقرار ده بيتحدد بناء عليه خريطة الاقتصاد والتجارة في العالم كله مش في الولايات المتحدة بس.
طب ايه توقعات الاجتماع ؟ 
فيه توقعات متضاربة لقرار الفيدرالي بكره وبالتزامن مع اقتراب إصدار قرار الفايدة بتتوقع أكبر شركة لإدارة الأصول في العالم، بلاك روك إبقاء بنك الاحتياطي الفيدرالي أسعار الفايدة مرتفعة حتى عام 2024.
وأكدت الشركة ان مجلس الاحتياطي الفيدرالي الأمريكي لازم يخلى أسعار الفائدة في منطقة تقييدية حتى عام 2024 بسبب الضغوط التضخمية المستمرة.. وقالت انه على الرغم من ترسخ علامات صعوبة خفض التضخم بقوة، لكن من المرجح استقرار ضغوط الأسعار فوق هدف الاحتياطي الفيدرالي البالغ 2٪». 
وعن اجتماع بكره توقعت بلاك روك تثبيت أسعار الفايدة في اجتماع مجلس الاحتياط الفيدرالي لكن ده مش معناه ان هيحصل تثبيت تانى او تخفيض خلال الفترة الجاية وممكن جدا أسعار الفايدة ترجع تزيد تاني الشهور الجاية. 
بس بنك "جولدمان ساكس " قال أن الاحتياطي الفيدرالي انتهى من رفع الفائدة في 2023 وقال انه بنسبة كبيرة مش هيرفعها تانى لغاية اخر السنة في الاجتماعين الجايين حتى لو أظهر المخطط اللي هيصدره عقب انتهاء اجتماع السياسة النقدية بكره احتمالية زيادة الفائدة مرة تانية.

وذكر كبير اقتصاديي البنك "جان هاتزيوس" لماضي: "
وقال البنك في في مذكرة صدرت في عطلة نهاية الأسبوع اللى فات انه في اجتماع نوفمبر بيتوقع حدوث المزيد من إعادة التوازن في سوق العمل وصدور بيانات أفضل عن التضخم، وكمان النمو المحتمل في الربع الرابع من 2023  ممكن يقنع المزيد من المشاركين في لجنة السوق الفيدرالية المفتوحة بالتخلي عن رفع الفائدة النهائي لغاية آخر السنة دي. 
طب ايه تاثير القار على الدهب والدولار؟ 
في الظروف العادية تثبيت سعر الفايدة او تخفيضها بيؤدي الى تحريك في أسعار الدهب لأن زي ما احنا عارفين العلاقة بين الدهب والدولار علاقة عكسية ومع رفع أسعار الفايدة في الشهور اللى فاتت اتفتحت شهية المستثمرين على الاستثمار في أدوات الدين الحكومية وهجروا الدهب وده خلال المعدن النفيس أسعار تتراجع عالميا 
وبالنسبة للدولار فمن المتوقع ان يتراجع مع هدوء الأسواق والاشارات الإيجابية اللى هيبعتها الفيدرالي للأسواق بعد نهاية اجتماعه واللى مفترض هتخلى الدنيا تهدا شوية والاسعار عالميا بشكل عام تبدأ تهدا عن اللى كان حاصل في اخر كام شهر