عربون التعويم.. هل خدع السيسي المصريين بقرارات "السبت السعيد"

من امبارح ومن بعد ما اعلن الرئيس السيسي عن مجموعة قرارات مهمة منها رفع الحد الأدنى للأجور وزيادة المعاشات وزيادة علاوة غلاء المعيشة الاستثنائية وكتير من الناس حاطين ايديهم على قلبهم وخايفين يحصل تعويم جديد للجنيه والزيادات اللى اقرت واللى هيبدا صرفها من الشهر الجاي تطير فى الهوا لأن لو حصل تعويم فده معناه زيادة فى سعر الدولار وزيادة فى اسعار كل السلع المستوردة.. فيا ترى قرارات الرئيس الجديدة ليها علاقة فعلا بالتخفيض المحتمل فى قيمة الجنيه؟ ولا هي فعلا حزمة اجتماعية لتحسين حياة المصريين؟ والأهم ايه علاقة القرارت دي بانتخابات الرئاسة اللى هتتعمل فى اول 2024 ؟ والحكومة هتجيب مخصصات القرارات دي منين؟.

 بسبب التقارير الدولية اللي بتطلع كل شوية عن كصير الجنيه وتوقعات خفض سعر العملة المصرية الناس بقت متشككة في اي قرار الدولة بتاخده وبيتم تفسير الموضوع تفسيرات بعيدة كل البعد عن الهدف الأساسي من كل قرار.. يعني مثلا الرئيس السيسي امبارح فاجيء الناس خلال زيارته لمحافظة بني سويف بقرارات تاريخية مهمة جدا لزيادة الأجور والمعاشات ورفع قيمة العلاوة الاستثنائية واقساط الديون عن الفلاحين وقرارات تانية حلوة وبدل الناس ما تفرح بالقرارات الجديدة لقينا اللي يقولك يا عم ويعني هي الحكومة هتزود المرتبات لله اكيد فيه إن فى الموضوع واللي يشكك ويقولك الرئيس عمل كده تمهيد لتعويم الجنيه واللي يقولك لا ده عشان انتخابات الرئاسة الريس بيحاول يراضي الناس.. فيا ترى فين الحقيقة؟ 
وخلونا ناخد الموضوع خطوة خطوة.. وأول حاجة هو فيه تعويم فعلا والرئيس بيسبق؟
قولا واحدا وبنسبة كبيرة مفيش تعويم على المدي القريب أو المدى المتوسط وده لان مصر شايفة أن الجنيه اصلا مقيم بأقل من سعره بسبب أزمة نقص العملة وأنه مه اول انفراجة في أزمة الدولار الجنيه هيستعيد قوته من جديد وده اصل الخلاف مع صندوق النقد الدولى وسبب عدم ارسال بعثة الصندوق لمراجعة برنامج مصر الاقتصادي

ده عن التعويم .. امال ليه الرئيس أعلن بشكل مفاجي زيادة المرتبات؟
الرئيس بتوصلوا يوميا عشر ات التقارير عن الوضع الاقتصادي الصعب وأحوال الناس اللى بتعاني وخصوصا الطبقة المتوسطة ومردوده الدخل والرئيس بنفسه بينزل الشارع وبتابع اللى بيحصل وعارف اد ايه الناس استحملت وعشان كده كل فترة بيحاول يحسن الأوضاع ويزود المرتبات ويقدم حزم اجتماعية تساعد في رفع العبء عن كاهل الأسر وفي آخر سنتين الرئيس أعطى تكليفات برفع المعاشات والمرتبات بدل المرة ٤ مرات ودع بيكشف احساسه بهموم الناس.
يبقا بقا الزيادة دي عربون لانتخابات الرئاسة؟
برضوا ده كلام مش صح والرئيس السيسي اخر حد ممكن يعمل كده لان علاقته بالشعب واضحة من اول يوم عمره ما وعد بحاجة ما يقدرش ينفذها ودايما بيحط المصريين معاه في الصورة فبتالى مش محتاج يعمل حاجة عشان الانتخابات كمان السيسي داخل الانتخابات برصيد كبير من الانجازات محدش حقق زيها بالإضافة انه لحد دلوقتي نالوش منافس تقريبا
يعني الزيادات دي مش وراها حاجة؟ 
بنسبة كبيرة دي زيادات هدفها الأساسي تحسين حياة الناس في ظل معدلات التضخم المرتفعة والأسعار اللى بثت تكوي جيوب المصريين 
طب والحكومة هتجيب منين التخصصات دي؟
الموازنة العامة للدولة قادرة انها توفر الزيادات الجديدة خصوصا ان فيه نمو في كتير من العوايد وأهمها الضرايب