هي ليه فلوس الخليج رايحة على الصين ومش بتيجي مصر؟

كل يوم بقينا نسمع عن صفقات بالمليارات بين دول الخليج العربي الغني وبين الصين والهند، ودا غير صفقات صناديق الثروة السيادية الخليجية في الاسهم الصينينة بالمليارات، وليه مش بنشوف الصفقات الضخمة دي في مصر واحنا أشقاء وكله استثمار وليه الخليج مش بيضخ استثمارات مليارية عشان يساعد إن مصر تخرج من أزماتها مرة واحدة وخاصة إن دا استثمار يعني بيزنس مش منح ولا هبات ولا ودايع.

معروف في عالم الاقتصاد والسياسة إن الاتنين مرتبطين ببعض .. يعني السياسة بتخدم الاقتصاد والاقتصاد بيخدم على السياسة وكله في الأخر أدوات لخدمة الأمن القومي للبلد ومصلحتها وأمنها وأبعاد تانية كتير بتتحكم في حركة وهجرة رؤوس الأموال الضخمة عبر القارات، ونقدر نفيش دا على خريطة الاستثمار الخليجي في الولايات المتحدة واللي بسبب ضخامتها دول الخليج استغلتها لصالح مواقف سياسية معينة لدرجة إنه اتقال إن العرب أو الخلايجة اشتروا نص أمريكا بسبب ضحامة استثماراتهم ومملتكاتهم هناك.

دلوقتي المال الخليجي غير بوصلته نسبيا من الولايات المتحدة للصين، والموضوع بردوا مصالح جيو سياسية بتتعلق بالاستقطاب الدولي وظهور الصين كقوة اقتصادية مخيفة أمام الولايات المتحدة وإنها هتبقى رقم واحد في العالم، فكان طبيعي الخليج يوثق علاقاته السياسية مع الصين عن طريق فتح خطوط استثمار بملياارات الدولارات ودي الحاجة الوحيدة اللي هتخلي الصين في المستقبل تعمل حساب لعلاقتها الاقتصادية مع دول الخليج ومتاخدش اجراءات ممكن تأثر على دوله.

صحيفة تشاينا دايلي طلعت تقرير حديث قالت فيه إن صناديق الثروة السيادية الخليجية بتسعى لاقتناص الفرص الاستثمارية المجدية في الشركات الصينية المدرجة بالبورصاات، وإن الهيئة العامة للاستثمار الكويتية اشترت أسهم في 11 شركة صينية مدرجة على البورصات الصينية، معتبرة اهتمام الصناديق السيادية المملوكة لدول خليجية في قطاعات مختارة في الاقتصاد الصيني دليلا على الثقة الكبيرة.

وقالت الصحيفة إن جهاز أبوظبي للاستثمار اللي بيعتبر مالك لأكبر الأصول المدارة، بصدد شراء 156.7 مليون سهم في شركة "Shandong Fengxiang Co" المدرجة في هونج كونج.

وبعد الصفقة هيمتلك الجهاز حصة غير مباشرة تبلغ  9.9 بالمئة في شركة فينجكسيانج المتخصصة في منتجات الدجاج الصينية، ودا بعد افتتاح شركة مبادلة للاستثمار، وهي المستثمر السيادي في أبوظبي، مكتبها في بكين الأسبوع الماضي.

وأصبح جهاز أبوظبي للاستثمار مساهم رئيسي جديد في 10 شركات مدرجة في الصين، وحسب البيانات صناديق الثروة السيادية الخليجية دلوقتي بين أكبر 10 مساهمين مستقلين في 89 شركة مدرجة كما في نهاية يونيو.

بحصوص الأرقام قفزت حركة التبادل التجاري بين المملكة العربية السعودية والصين إلى 117 مليار دولار العام الماضي ونمت التجارة الثنائية بين الإمارات والصين بما يقرب من 100 ضعف إلى 107 مليارات دولار في عام 2022 من 1.15 مليار دولار في عام 1992، ووصل حجم التبادل التجاري بين السعودية والصين خلال اخر 5 سنين إلى 1.2 تريليون ريال (ما يعادل 320 مليار دولار.

وبالنسبة للاستثمار الخليجي في مصر مقارنة بالصيني فزي ماقلنا إن الموضوع ليه أبعاد تانية غير الاقتصاد ودا مش معناه إن مفيش استثمار خليحي كبير في مصر لكن الطموحات أكبر من المتاح خاصة إن مصر بقت سوق مفتوح وواعد ومليان فرص بالنسبة للمستثمرين العرب والأجانب، ومصر استقبلت من طام يوم وفد رفيع المستوى من وزارة الاقتصاد والتخطيط بالمملكة العربية السعودية، برئاسة  سليمان بن عبد العزيز العبيد، مساعد وزير الاقتصاد والتخطيط السعودي؛ وذلك لبحث سبل التعاون المشترك مع العلم إن حجم الاستثمارات السعودية في مصر وصلت 32 مليار دولار ومخطط انها تزيد.